Кырата 11 киһи Дьокуускайга дьиэ куортамныыбыт диэн түөкүҥҥэ түбэспиттэр

Дьокуускай 28 саастаах олохтооҕор кыбартыыра куортамынан түөкүннээбитин иһин холуобунай дьыала тэрилиннэ. Бу дьахтартан кырата 11 киһи эмсэҕэлээбит диэн иһитиннэрэр Саха сиринээҕи ИДьМ.

Полиция дааннайынан, дьахтар социальнай ситимнэргэ сымыйа аадырыстарынан кыбартыыраны сууккаҕа  куортамныыбын диэн таһаарар эбит. Дьиэ куортамнааччылар киниэхэ эрийэн таҕыстахтарына, кыбартыыра төлөбүрүн көрдүүр итиэннэ харчытын ылан баран сүтэн хаалар. Маннык гынан 57 тыһ. солк. кэриҥин уорбут.

Дьахтар түөкүннээһининэн бу сыл бэс ыйыттан дьарыктаммыт. Күн бүгүн 11 түбэлтэ бэлиэтэммит, эмсэҕэлээбит дьон өссө да элбэх буолуохтарын сөп.

Киниэхэ РФ ХК 159 ыст. түөкүннээһиҥҥэ холуобунай дьыала тэрилиннэ.

СӨ ИДЬМ пресс-сулууспатыттан