Хаартысканы Ксения Васильева тиксэрдэ
Аҕа дойду Дьоруойдарын күнүгэр Бэрдьигэстээх нэһилиэгин баһылыга Алексей Аргунов байыаннай дьайыы бэтэрээннэрин кытта көрүстэ.
Нэһилиэк баһылыга Алексей Аргунов байыаннай дьайыы кыттыылаахтарыгар, кинилэр дьиэ кэргэттэригэр туох үлэ ыытылларын иһитиннэрдэ. Ийэ дойдуларын туһугар сырдык тыыннарын толук уурбут биир дойдулаахтарбыт ааттарын үйэтитиигэ искибиэр тутуутун бырайыагын көрдөрдө, быһааран кэпсээтэ.
Салгыы Василий Филиппов аатынан улуустааҕы гимназия 7 кылааһын үөрэнээччилэрэ эҕэрдэ хоһооннорун мустубут дьоҥҥо доргуччу ааҕан иһитиннэрдилэр.
Көрсүһүү бэтэрээннэр сэбиэттэрин дьиэтигэр ыытылынна. Манна М.Е.Тимофеев аатынан түмэл үлэһиттэрэ хас биирдии байыас туһунан интерактивнай экраҥҥа киллэрбиттэрин көрдөрдүлэр. Кэпсэтиигэ уолаттар интэриэһиргиир боппуруостарын ыйыталаһан, санааларын үллэстэн, бэрт сэргэх кэпсэтии буолла. Бу күн Бэрдьигэстээххэ байыаннай дьайыы кыттыылааҕа, Ийэ дойдутун иннигэр ытык иэһин толоро сылдьан дьоруойдуу охтубут биир дойдулаахпыт Вячеслав Козловскай уруһуйдарынан быыстапка арылынна. Ону таһынан А.Парфенов аатынан успуорт комплексыгар остуол тенниһигэр уонна бильярдка күрэхтэһии тэрилиннэ.
Ксения Васильева,
Бэрдьигэстээх нэһилиэгин баһылыгын солбуйааччы.
Хаартыскалар: ааптар тиксэриилэрэ
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна. Вице-премьер Георгий Степанов салайар…
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…