ЯСИА хаартыската.
Алтынньы 22 күнүгэр Уус Алдан улууһун Майаҕас бөһүөлэгэр чааһынай дьиэ уокка былдьаммытын туһунан СӨ Ыксаллаах быһыыга-майгыга министиэристибэтин Саха сиринээҕи управлениета иһитиннэрбитэ.
Майаҕас аҕам саастаах олохтоохторугар — нэһилиэк бочуоттаах олохтооҕо Григорий Гаврильевич уонна Александра Федоровна Крыловтарга көһүппэтэх өттүттэн иэдээн буолла. Күһүн саҥа туттан киирбит дьиэлэрэ умайан, улахан хоромньу таҕыста.
Крыловтар бу иннинэ олорбут дьиэлэрэ эмиэ быйыл умайан, сүрэхтэригэр улахан баастаахтар. Онуоха оҕолорун көмөтүнэн саҥа дьиэни дьэндэппиттэрэ. Саҥа, сылаас дьиэҕэ кыстыыр үөрүүнү билбит кырдьаҕастарга, хомойуох иһин, иэдээн иккистээн төнүннэ, саҥа дьиэлэрин эмиэ уокка былдьаттылар. Хочуолунай, дьиэ кырыыһата бүүс-бүтүннүү умайан, көмөҕө турунар ыҥырыыны ыыталлар.
Кыстыгы көрсө дьиэлэрэ суох хаалбыт кырдьаҕастарбытыгар дьиэлэрин чөлүгэр түһэрэллэригэр бука бары күүс-көмө буолуоҕуҥ диэн ыҥырабыт.
Көмө харчыны кыыстарыгар Ньургустана Григорьевна К. аатыгар 89248783131 нүөмэргэ ыытаргытыгар көрдөһөбүт.
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…