Кытай быраттыы провинцияларын дэлэгээссийэлэрэ — Саха сирин ыалдьыттара

Бүгүн Айсен Николаев Кытай Хэйлунцзян провинциятын Сүбэлиир народнай бэлитиичэскэй сэбиэтин бэрэссэдээтэлин солбуйааччы Ли Хайтаоны кытта оробуочай көрсүһүүтүгэр эргиэн-экэнэмиичэскэй, култуурунай-гуманитарнай сыһыаннары кэҥэтии туһунан дьүүллэстилэр.

Өрөспүүбүлүкэ 19 муниципальнай тэриллиитэ бырааттыы сибээһи Кытай Хэйлунцзян уонна Цзилинь провинцияларын 22 куораттарын, уезтарын кытта быраатты сыһыаны тутуһар. Бу күннэргэ Дьокуускайга Кытай икки бырааттыы провинцияларын кытта  “Арассыыйа уонна Кытай сыһыаннарын бөҕөргөтүүгэ бырааттыы сибээс” диэн норуоттар икки ардыларынааҕы  бастакы пуорум ыытыллар. Тэрээһиҥҥэ Кытайтан сүүсчэкэ киһилээх  улахан дэлэгээссийэ кыттар. Пуорум иитинэн Ил Дархан Айсен Николаев Хабаровскайга Кытай народнай өрөспүүбүлүкэтин генеральнай куонсула  Цзян Сяояны кытта көрсөн, бииргэ үлэлээһин боппуруостарын ырыттылар. Өрүттэр  бииргэ үлэлэһин кэскилин, холбоһуктаах бииргэ үлэлээһиҥҥэ туһуламмыт бырайыактары олоххо киллэрии, табаар эргиирин улаатыннарыы, үөрэх хайысхатыгар сыһыаны бөҕөргөтүү уонна эһиил ыытыллар “Азия оҕолоро” оонньууларга Кытай народнай өрөспүүбүлүкэтин хамаандата кыттыытын туһунан дьүүллэстилэр.

Кытай провинцияларыттан кэлбит дэлэгээссийэлэр улуустар ыһыахтарыгар сырыттылар, сарсын ыраахтан кэлбит ыалдьыттар Туймаада ыһыаҕар сылдьыахтара.