“Күүспүт – түмсүүгэ” аахсыйа-кэнсиэр 

Үгүс айанньыттар сөбүлээн тохтуур сирдэрэ Мэнэ Хаҥалас улууһун Тумул нэһилиэгэр,  мээнэҕэ ааттамматах Хотун Төҥүлү ытык сирбит налыы сиригэр турар “Нал” диэн ааттаммыт кафены билбэт киһи суоҕа буолуо. Бу кафеҕа киирэн чэйдээн, күүс — сэниэ ылынан, манна баар түмэли көрөн ааспыт буолуохтааххыт. Хомойуох иһин, былырыын бу “Нал” кафета уокка былдьаммыта.

Онон соторутааҕыта кафе салайааччыта, урбаанньыт Иван Борисов доҕотторо, атастара,  кини куруук өйүүр артыыстара кыттыылаах “Күүспүт – түмсүүгэ”  диэн аһымал “аахсыйа – кэнсиэр” буолан ааста.

Ил Тумэн дьокутаата, култуура сойууһун бэрэссэдээтэлэ Захар Никитин сценаҕа тахсан туох сыаллаах — соруктаах бу тэрээһин ыытылларын туһунан сиһилии билиһиннэрдэ.

И. Борисов “Нал” кафетын өссө тупсаран оҥоруом диэн дьонугар эрэннэрдэ. Кэлбит уонна кыттар дьоҥҥо махтанна.

Манна нэһилиэк олохтоохторо үлэлииллэр, онон дьон үлэлээх-хамнастаах буоларын туһуттан быстах кэмҥэ атын сиргэ тэринэн кафетын үлэлэтэ турар эбит.

Бу аһымал кэнсиэргэ кыттыыны ыллылар биир дойдулаахтара: Лэкиэс, “Бабочкалаах уолаттар”  ансаабыллара, Инна Донская — Дайаана, Вероника Степанова, Ф Шариннар уолаттарыныын, артыыстар Сахая Бурнашова, Кирилл Матвеев, Сиэйэ уола, Константин Степанов,”Туймаада” ансаамбыл уолаттара, култуура кэллиэһин устудьуоннара, кэллиэс үорэнээччилэрэ  барабааннарга оонньоотулар, И.Егоров, А. Кириллин, М .Алексеев, К. Степанов уо. д. а. кытыннылар .

Бу “Аһымал-кэнсиэри” Георгий Белоусов иилээн-саҕалаан ыытта.

Вера Владимирова, Дьокуускай.

Хаартыска: ааптар