Хаартыска sakha.gov.ru ылылынна
Бүгүн, кулун тутар 1 күнүгэр, Дьокуускайга эр дьоҥҥо уонна дьахталларга кикбоксиҥҥа (лоу-кик) Уһук Илин чөмпүйэнээтэ саҕаланна.
«Дохсун» успуорт уораҕайыгар күрэхтэһиигэ Уһук Илин ФУо сэттэ эрэгийиэниттэн 118 спортсмен күөн көрсөр. Манна бааллар Приморье, Хабаровскай кыраайдарыттан, Камчаткаттан, Амур уобалаһыттан, Бурятияттан, Сахалинтан уонна Саха сириттэн. Саха сирин чиэһин отучча спортсмен көмүскүүр.
Чөмпүйэнээккэ саастарынан үс бөлөххө арахсаллар. Оҕолор, юниордар уонна улахан дьон диэн. Кикбоксердар бүгүн күүстэрин холоһоллор. Сарсын полуфиналга көрсүөхтэрэ. Оттон өрөбүлгэ кыайыылаахтар биллиэхтэрэ. Барыта 19 араас ыйааһынынан киирсэллэр.
Саха өрөспүүбүлүкэтин сүүмэрдэммит хамаандатын спортсменнара:
Эр дьон: Спиридон Антонов, Иван Степанов (51 кг), Михаил Слепцов (54 кг), Никита Ковлеков (57 кг), Сергей Иванов, Мичил Юшков, Тимофей Сивцев (60 кг), Вадим Колтовской, Антон Ле, Виктор Ломпоров, Филипп Кузьмин, Павел Попов (63,5 кг), Егор Евстафьев, Габриел Афанасьев, Данис Спрязев, Дмитрий Иванов, Максим Леонтьев (67 кг), Айтал Петров, Виктор Попов (71 кг), Гэсэр Гатыпов (75 кг), Валентин Шелепанов, Артём Будко (81 кг), Михаил Еремеев (86 кг), Адулай Хуцуруев (91 кг).
Дьахталлар: Надежда Павлова (48 кг), Виктория Кашлакова (52 кг), Юлия Петрова, Айдана Мирбекова (56 кг), Сарыада Брызгалова (63,5 кг).
Успуорт бу көрүҥэр аан дойду бастакы чөмпүйүөнүнэн буолбут Александр Иванов кэриэһигэр анаммыт күн күрэс кулун тутар 1 — 3 күннэригэр ыытыллар. Финалга киирбиттэр — Кемерово куоракка Арассыыйа чөмпүйэнээтигэр кыттар бырааптаналлар. Маны сэргэ, күрэхтэһии «Азия оҕолоро» норуоттар икки ардыларынааҕы спортивнай оонньууларга сүүмэрдиир түһүмэҕинэн буолуоҕа.
Санатан эттэххэ, Арассыыйаҕа Дьиэ кэргэн сылыгар «Всей семьей» бырайыак саҕаламмыта. Бу бырайыакка кыттааччылар тэрээһиннэргэ сылдьаллар, уустуга суох сорудахтары толороллор уонна бириис тутан ылыахтарын сөп. Бырайыак саайта: всейсемьей.рф
СӨ Ил Дарханын уонна Бырабыыталыстыбатын пресс-сулууспата
Соторутааҕыта социальнай ситимҥэ бииргэ олорор киһититтэн кырбана-кырбана олорбут кыыс тулуйа сатаан баран, полицияҕа үҥсэн сайабылыанньа…
2013 сылтан Кириэс Халдьаайыга “Байаҕантай кэскилэ” үлэ-сынньалаҥ лааҕыра үлэлиир. Хаппыыстаны уонна оҕуруот атын да астарын…
Киинэ сюжета судургу. Дэриэбинэ уолаттара үс доҕордуу Бааска, Сааска уонна Бүөккэ эргэ кулуупка көрсөллөр. Олохторун…
Бэҕэһээ киэһэ 20 чааһы ааһыыта Арассыыйа ИДьМ “Дьокуускайдааҕы” МУ 2 отделын полициятыгар Лермонтов уонна Курашов…
Балаҕан ыйын 18 күнүгэр Таатта улууһун Н.Е. Мординов-Амма Аччыгыйын аатынан Харбалаахтааҕы үөрэхтээһин холбоһугар «Күһүҥҥү киһи…
Арыгы содулунан буруйу оҥоруу ахсаана аҕыйаан иһэр курдук. Ол эрээри, бу дьаллык урут да, билигин…