Хаартыска видеоттан скриннэннэ
Бу күннэргэ Бүлүү улуһуун Лөкөчөөн нэһилиэгин олохтоохторо бэйэлэрэ бултаабыт кустарын, куобахтарын, балыктарын, о.д.а. төрүт астарын байыаннай дьайыыга сылдьар уонна госпиталларга сытар уолаттарга анаан хомуйдулар.
Уопсайа икки куул куһу, куул аҥаара мас көтөрүн уонна түөрт хааһы, куобах хомуйан Дьокуускай куоракка аҕалан Светлана уонна Владислав Диодоровтарга-Лаврентьевтарга туттардылар. Салгыы Светлана Диодорова-Лаврентьева бу кустары АГАТУ технологическай факультетын кытта устудьуоннар практикаларыгар үргүүллэрин, астыылларын курдук кэпсэтиэ. Устудьуоннар бу кустары порцияларынан тус-туспа суулаан ыытыахтара.
Астаммыт ас Москва, Санкт-Петербург, Ростов волонтердарыгар тиийдэҕинэ, кинилэр тута астаан госпиталларга сытар уолаттарга илдьиэхтэрэ.
«Госпиталга сытар уолаттар ас иһэрин эрдэттэн билбит буолаллар, кус, сироп, ас кэлбит үһү, эһиэхэ тиийдэ дуо диэннэр бэйэ-бэйэлэриттэн ыйыталаһаллар эбит. Төрөөбүт астара кинилэргэ битэмиин курдук буолар. Госпиталга сытар уолаттарбыт наһаа элбэхтэр, ол иһин бу маннык дойдуларын аһын аһаан, иҥэринэн күүс-сэниэ эбинэллэр, үтүөрэллэр. Уолаттар баһыылка, ас кэлэрин наһаа кэтэһэллэр. Бүлүү улууһун Лөкөчөөнүн булчуттарыгар махтал, эҕэрдэ тылын ыытабыт. Баай Байанайгыт тосхойо тудун!», — диэн Владислав Диодоров-Лаврентьев кэпсиир.
Бу субуотаҕа, тохсунньу 18 күнүгэр, киэһэ 19 чаастан “Саха” НКИХ Кубогар волейболга күрэхтэһии саҕаланар. Сылы…
Ааспыт суукка иһигэр Дьокуускай полициятыгар үҥсүбүт икки дьахтар түөкүттэр сиэртибэлэрэ буолбуттар. Уопсайа 2 мөлүйүөн солкуобайтан…
Хоту дойдуга кыһыҥҥы суол хойутаабакка аһыллара, үчүгэйдик оҥоһуллара эргиччи туһалаах. Ол курдук, хоту дойду олохтоохторо…
Биһиги эрэллээх ааҕааччыбыт Августина Семеновна Хабарова-Владимирова “Саха сирэ” хаһыат ааҕааччыларын Эргэ Саҥа дьылынан күлэ-үөрэ, сынньана…
Тимир суол үлэҕэ киирэн, Саха сирин олохтоохторо айан бу көрүҥүн бэркэ туһанан эрэллэр. Чахчы да,…
Саха сирин элбэх тэрилтэтэ харчынан кыттыһан, гуманитарнай көмө хомуйан, маскировочнай сиэккэ баайан байыаннай дьайыыга бэйэтин…