Ленин болуоссатыгар тимир олбуорга баттаппыт дьахтар доруобуйатын туруга хайдаҕый?

Бэҕэһээ саайпытыгар  Дьокуускай куоракка Ленин болуоссатын кыйа туруоруллубут тимир олбуор сууллубутун туһунан суруйбуппут.

Хомойуох иһин,  тимир олбуор сууллуутугар ааһан иһэр  дьахтар баттатан  эчэйиини ылбыта.  СӨ Доруобуйа харыстабылын министиэристибэтэ иһитиннэрбитинэн, дьахтар Өрөспүүбүлүкэтээҕи иккис нүөмэрдээх балыыһа  травматологическай  отделениетыгар киллэриллибит. Дьахтар орто туруктаах эчэйиини ылан, эпэрээссийэни ааһыахтааҕын туһунан быраастар иһитиннэрбиттэр.