Хаартыска: Дьокуускай куорат дьаһалтата
Дьокуускай куорат килбэйэр киинин — Ленин болуоссатын саҥардан оҥоруу үлэтэ саҕаланна. Тутааччылар номнуо көтүрэн уонна күрүөлэри туруортаан эрэллэр.
Саҥардыы түмүгэр, Ленин болуоссата киһи билбэт курдук уларыйыаҕа, тупсуоҕа. Сүрүн киэргэлинэн «сухуой» фонтан, ол эбэтэр, сир анныттан өрө тэбэн тахсар, уута төттөрү түһэр, муусукалаах фонтан уонна 13 миэтэрэлээх сэргэлэр буолуохтара. Болуоссаты көҕөрдүөхтэрэ, тротуарын уларытыахтара, массыына, бэлэсипиэт турар сирдэрэ баар буолуохтара.
Киров уонна Аммосов уулуссаларын өттүлэриттэн сынньанар сирдэри оҥоруохтара, мастары олордуохтара. Газоннаах хонуулар баар буолуохтара.
13 миэтэрэ уһуннаах, 1,2 миэтэрэ кэтиттээх 12 сэргэ болуоссат икки өттүнэн кэчигириэхтэрэ. Манна алдьаммат өстүөкүлэни уонна дьэбиннирбэт ыстаалы туттуохтара. Сэргэ төбөтүгэр алмаас таас кылабачыйа оонньуоҕа, уотунан-күөһүнэн сырдатыллыаҕа.
Дьокуускай куорат дьаһалтатын архитектураҕа, куораты тутууга управлениета иһитиннэрбитинэн, Ленин пааматынньыга бу сыл алтынньытыгар урукку сиригэр кэлэн туруоҕа.
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…
Сылбыт элэҥнээн ааһа охсон, номнуо бүтэһик ый – ахсынньы үүннэ. Саҥа сылга диэри ыйы кыайбат…
Аатырбыт-сураҕырбыт, норуот тапталын ылбыт “Туймаада” судаарыстыбаннай вокальнай ансаамбыл дириэктэрэ, уус-уран салайааччыта, СӨ ускуустубатын үтүөлээх диэйэтэлэ …
Бүгүн, ахсынньы 7 күнүгэр, "Россия 24" телеханаалга 19.00 ч . ГТРК «Саха» бырайыагын — "Вместе…
Күөмэй ыарыйдаҕына, айах бааһырдаҕына сугун абырыыр. Бу туһунан, бука, истибиккит буолуо? Саха сиригэр намыһах, сииктээх…
Аныгы үйэҕэ сиргэ-уокка тирэхтээх, элбэх сатабыллаах, төрөөбүт дойдутун таптыыр, үөрэтэр-чинчийэр, аныгы технологиялары баһылаабыт оҕолору иитэн-үөрэтэн…