Дьокуускайга Ленин болуоссатын саҥардыыта салҕанар

Дьокуускайга Ленин аатынан киин болуоссатын саҥардыыта салҕанан барар.

Бүгүн эбийиэккэ  12 сэргэ үрдүгэр ууруллар «бриллиант» чорооннору аҕаллылар. Ол курдук миэтэрэ саҕа үрдүктээх чорооннору болуоссакка холуонналыы туруохтаах барыта 12 сэргэ хас биирдии үрдүгэр ууруохтара. Сэргэлэри алдьаммат өстүөкүлэнэн уонна дьэбинтэн харыстаммыт тимир панелынан бүрүөһүннээбиттэр. Саҥа сэргэлэр уот ситимигэр холбонуохтара уонна хараҥаҕа араас дьэрэкээн сырдатынар уоттанар кыахтаныахтара.

Санаттахха, бу иннинэ 12 сэргэттэн 8-һа киин куоракка аҕалыллыбыта. Бырыайыак быһыытынан сэргэлэри Аммосов уонна Киров аатынан улууссалар кыйа туруоруохтара. 12 сэргэлэр диаметра 1,2 миэтэрэ уонна үрдүгэ 13 миэтэрэ.

Ленин болуоссатын кыйа ыскамыайкаларынан хааччыйыахтара, сибэкки олордуохтара, ону тэҥэ кыталык ойуулаах сырдатыы оҥоһуллуоҕа. Болуоссат киин сиригэр кураанах уотунан тыгар фонтан туруоруллуоҕа. Бэдэрээтчиттэр фонтан тутуутун түмүктүүр түһүмэххэ сылдьаллар, билигин билиитэтэ ууруллар. Үлэ барыта алтынньыга түмүктэнэрэ былааннанар