Ленин проспегынан оптуобустар хаһан сылдьалларый?

Сэтинньи 10 күнүттэн Ленин проспега Кулаковскай уулуссатыттан Курашов уулуссатыгар диэри чааһынай тырааныспарга анаан аһыллыбыта. Массыыналар 40км/ч түргэннээх айанныахтаахтар, мантан түргэтииллэрэ көҥүллэммэт. Оттон оптуобустар сырыылара өссө да саҕалана илик.

Бүгүҥҥү туругунан, оптуобустар тохтуур сирдэрэ, павильоннара уонна сатыы дьон сылдьар сирдэринэн күрүөлэрэ оҥоһулла иликтэр. Суол бэлиэлэрэ оҥоһуллубуттара уонна светофордар үлэлии тураллар.

Оптуобустар сырыылара киин проспегынан хаһан саҕаланыаҕай? Суол быраабылаларын толорууга мониторинг ыытыллыбытын,  анал күрүөлэр туруоруллубуттарын уонна светофордар эрэсиимнэрэ бигэтик олохтоммутун кэнниттэн биирдэ уопсастыбаннай тырааныспар сырыыта саҕаланара күүтүллэр.

Ленин проспегар өрөмүөн үлэтэ 2023 сылга эмиэ салҕаныаҕа.