Суол учаастага өрөмүөннэннэ

Саха сиригэр «Куттала суох хаачыстыбалаах суол» национальнай бырайыак иитинэн  «Нам»  суолугар 44-54 км учаастак өрөмүөннэннэ.

«Нам» айан суола Дьокуускайы кытары ситимниир Саха сирин социальнай суолталаах суолунан буолар. Өрөмүөннэммит суол уһуна 10,08 км. Бу учаастакка аспаал-бөтүөн икки араҥанан уурулунна. Манна 84 суол бэлиэтэ туруоруллубут, о.д.а. оҥорбуттар.

СӨ Тырааныспар уонна суол хаһаайыстыбатын миниистирэ Владимир Сивцев бу суол учаастага бэдэрээччит «Ситим» ХЭУо өрөспүүбүлүкэ масштабтаах бастакы эбийиэгинэн буоларын бэлиэтээтэ. Тэрилтэ кэлэктиибэ үлэни-хамнаһы тэтимнээхтик ыытан, өрөмүөн үлэтэ болдьоммут кэмин иннинэ түмүктэммитин эттэ.

Сиһилии https://www.sakha.gov.ru/news/front/view/id/3373981 манна киирэн ааҕыҥ.