Ленскэй Чамчатыгар Кыайыы күнүн көрсө испэктээк туруордулар

Ленскэй оройуонун Чамча нэһилиэгэр Улуу Кыайыы күнүн көрсө «Төннүҥ, күн сардаҥатын кытта аргыстаһан» диэн театрализованнай дьүһүйүүнү туруорбуттар.

Нэһилиэк олохтооҕо Жанна Афанасьева бу туһунан сырдатта:

— Кыайыы күнүн көрсө бэҕэһээ, ыам ыйын 8 күнүгэр, нэһилиэкпит олохтоох кулууба испэктээк туруоран бар дьоҥҥо көрдөрдө. Маны таһынан,  Кыайыы күнүгэр анаммыт эстафета буолбута. Эстафетаҕа Светлэйдээҕи МРТК устудьуона Петр Колосов хамаандата кыайбыта. Эстафетаҕа оскуола оҕолоро кытыннылар. Хамандыырдарынан устудьуон оҕолорбут Петр Колосов уонна Айтал Омукчанов буолбуттара. Уолаттар иккиэн мас тардыһыытынан дьарыктанар спортсменнар. Үүнэр көлүөнэ, ыччаппыт бу күн туох суолталааҕын өйдүүрүгэр анаан  нэһилиэк оскуолата көҕүлээн «Өлбөт үйэлээх полк» буолла.  Ону сэргэ «Көлүөнэлэр искибиэрдэригэр» миитин буолла.