Ил Дархан Айсен Сергеевич Николаев СӨ Судаарыстыбаннай Мунньаҕар Анал этиитигэр бэлиэтээбит чопчу боппуруоһугар тохтоон, өрөспүүбүлүкэ спортсменнарын уопсастыбаннаһа Ийэ дойдубут интэриэһин көмүскээһиҥҥэ ытык иэстэрин толоро сылдьар буойуттарбытыгар өйөбүлү оҥоруутун салгыырын, туох кыалларынан күүс-көмө буолан, тус кылаатын киллэрэ сылдьарын бэлиэтээн, СӨ Физическэй култуураҕа уонна успуорка миниистирэ Леонид Спиридонов хаһыат ааҕааччыларыгар уонна саайтыгар анаан тус санааларын үллэһиннэ.
— Бэҕэһээ, ахсынньы 19 күнүгэр, Ил Дархан Айсен Сергеевич Николаев СӨ Судаарыстыбаннай Мунньаҕар Анал этиитигэр бу ааһан эрэр 2022 сыл анал байыаннай эпэрээссийэ ыытылларынан улахан уратылааҕын бэлиэтээн эттэ. Бу байыаннай дьайыы саҕаланыаҕыттан ыла Айсен Сергеевич салалтатынан Өрөспүүбүлүкэтээҕи штаб тэриллибитэ. Москваҕа саллааттарга көмөнү сүрүннүүр Киин үлэлиир, эрэгийиэннэргэ тирэх пууннар тэриллэн үлэлии тураллар, Саха сириттэн сулууспалааччылар баар байыаннай чаастарын кытта хардарыта ыкса сибээс олохтонно. ДНӨ Кировскай куоратын чөлүгэр түһэриигэ элбэх үлэлэр ыытылыннылар, олохтоохторго гуманитарнай көмө уҕараабат.
Өрөспүүбүлүкэ спортсменнара бу үлэлэртэн туора турбаттар, анал байыаннай эпэрээссийэҕэ кыттан, Ийэ дойдубут интэриэһин көмүскээһиҥҥэ ытык иэстэрин толоро сылдьар буойуттарбытыгар күүстээх өйөбүлү оҥорууларын салгыыллар. Саха сириттэн ыҥырыллан барбыт саллааттар байыаннай таҥастара ситэри-хотору буоларыгар диэн эбии таҥас-сап ылыыларыгар харчы хомуллан, 500 тыһыынча солкуобай ыытыллыбыта. Маны таһынан Саха сириттэн сылдьар саллааттарбытын байыаннай өттүнэн ситэри хааччыйар уонна аһымал гуманитарнай көмөнү оҥорор сыаллаах биһиги исписэлиистэрбит ДНӨ уонна ЛНӨ баар тирэх пууннарга тиийэн, ити үлэлэри сүрүннээһиҥҥэ, тэрийиигэ командировкаҕа баран кэлбиттэрэ.
Бэлиэтээн эттэхпинэ, биһиги министиэристибэбититтэн анал байыаннай эпэрээссийэҕэ успуорт тоҕус бэрэстэбиитэлэ кытта сылдьар, олор истэригэр, тириэньэрдэр, исписэлиистэр уонна министиэристибэ биир тэрилтэтин салайааччыта бааллар.
Бүтүн норуокка бу ыарахан кэмнэргэ биһиги эдэркээн спортсменнарбыт саллааттар дьиэ кэргэттэригэр ис сүрэхтэриттэн көмөлөһө сылдьаллар. Ол курдук А.И. Пахомов аатынан Буоксаҕа олимпийскай резервэ спортивнай оскуолатын Хатастааҕы филиалын уонна А.И. Иванов аатынан олимпийскай резервэ өрөспүүбүлүкэтээҕи анал спортивнай оскуолатын иитиллээччилэрэ быстах ыҥырыынан сулууспалыы барбыт саллааттар дьиэ кэргэттэригэр иһэр ууга диэн муус ылан биэрэн көмөлөспүттэрэ.
Дойдубутугар уустук быһыы-майгы кэмигэр биһиги ыҥырыллан барбыт биир дойдулаахтарбытыгар уонна кинилэр дьиэ кэргэттэригэр өй-санаа, сүбэ-соргу, буоламмыт, кинилэр көрсөр кыһалҕаларын быһаарсаммыт, үбүнэн көмөлөһөммүт, туох кыалларынан күүскэ өйүүрбүт наадалааҕын өйдүүбүт.
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла. Мунньахха Федерация бэрэссэдээтэлин…
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…