Лев Павлов — Арассыыйа чөмпүйэнээтин финалиһа
Ыам ыйын 3 күнүгэр Москватааҕы «LIVE ARENA» успуорт дыбарыаһыгар 57, 65, 74, 86, 97 уонна 125 кг диэри ыйааһыннаахтарга олимпийскай Парижка киирсэргэ көҥүл тустууга сүрүн хапсыһыылар ыытылыннылар. Полуфинальнай киирсии түмүгүнэн финалистар ааттара биллиннилэр.
Саха сирин эдэр тустууга Лев Павлов көҥүл тустууга Арассыыйа чөмпүйэнээтин финалиһа буолла. 20 саастаах спортсмен чэпчэки ыйааһыҥҥа лидер, U20 Арассыыйа икки төгүллээх чөмпүйүөнэ Лев Павлов аан бастакытын Арассыыйа чөмпүйэнээтин финалыгар таҕыста.
Эдэр бөҕөс чөмпүйэнээккэ 4 хапсыһыыга кыттыбыта уонна бүтэһиктээх киирсиигэ Арассыыйа чөмпүйэнээтин призера Муса Мехтихановы 1:2 ахсаанынан кыайда.
Итини кытта олимпийскай ыйааһыннарга тустууга оскуолатын 10 саха иитиллээччилэрэ кытыннылар: Ашеин Любомир, Иванов Уйгулаан, Копылов Алексей, Павлов Лев, Постников Федор (бары 57 кг); Тотонов Дьулусхан (65 кг); Бабаранов Иннокентий, Свинобоев Станислав и Сивцев Николай (бары 74 кг) уонна Хабаров Никита (125 кг).
Сообщить об опечатке
Текст, который будет отправлен нашим редакторам: