Лев Павлов Дмитрий Миндиашвили аатынан турнирга кыһыл көмүс мэтээли ылла

Саха сирин сүүмэрдэммит хамаандатын лидерэ Лев Павлов Красноярскайга Дмитрий Миндиашвили аатынан Бүтүн Арассыыйатааҕы турнирга кыһыл көмүс мэтээли ылла.

Бу туһунан Саха сирин сүүмэрдэммит хамаандаларын успуорка бэлэмниир киин пресс-сулууспата иһитиннэрдэ. Красноярскайга Лев Павлов Александр Кочевы (5:1), Егор Явловскайы (2:0), Матвей Куртуковы (10:0) кыайан, 57 киилэҕэ финалга  тахсыбыта. Кыһыл көмүс мэтээл иһин финалга аан дойдутааҕы кылааһын успуорт маастара Артур Чебодаевы кытта кииристэ. Ол эрээри манна даҕаны Лев Павлов 3:1 ахсаанынан кыайыылаах таҕыста.

Санатан эттэххэ, Лев Павлов 2025 сыл тохсунньу ый бүтүүтэ буолар Иван Ярыгин Куубагар кыттарга путевкаҕа тиксибитэ.