Майаҕа бүгүн — «Бастыҥ» бириэмийэ лауреаттарын сулустаах чааһа

Бу чааска Мэҥэ Хаҥалас улууһун Майа сэлиэнньэтин дьаһалтатын салалтата быйылгы сылга араас эйгэҕэ ситиһиилээх биир дойдулаахтарын «Бастыҥ» бириэмийэтин туттарар дьоро киэһэтэ буола турар.

«Майа сэлиэнньэтэ» тыа сирин түөлбэтин баһылыга Алексей Неустроев салайар дьаһалтата көхтөөх дьону түмэн, бастыҥнары талан ылан, махтал тыл бастыҥын анаата. Кыайыылаахтарга «Бастыҥ» үйэлээх алмаастаах бэлиэ-кырааматаны, «Саха сирэ» өрөспүүбүлүкэтээҕи хаһыакка сурутуу сэртипикээти ыҥырыылаах ыалдьыттар наҕараадалаатылар.

Кинилэр истэригэр бааллар түөрт Ил Түмэн дьокутаата, норуот хаһаайыстыбатын араас хайысхатын салааларыттан киин куораттан кэлбит өрөспүүбүлүкэҕэ ааттаах-суоллаах дьон, улуус бөдөҥ тэрилтэлэрин салайааччылара.

«Бастыҥ» бириэмийэни туттарыы тэрээһин уонна кини лауреаттарын туһунан сиһилии «Саха сирэ» хаһыакка ааҕыҥ.