Майаҕа байыастар оҕолоругар Саҥа дьыллааҕы бырааһынньык буолла

Майа сэлиэнньэтин дьаһалтата байыаннай дьайыыга сылдьар байыастар дьиэ кэргэннэрин оҕолоругар анаан Саҥа дьыллааҕы бырааһынньыгы тэрийэн ыытта. Бу туһунан «Эркээйи» хаһыат суруйар. 

Оҕолор Майатааҕы Д.Ф.Ходулов аатынан норуот айымньытын дьиэтин үлэһиттэрэ туруорбут Саҥа дьыллааҕы дьүһүйүүнү көрдүлэр. Араас куонкурустарга кыттан, оонньоон, үгүс элбэх бириистэри туттулар. Чысхаан оҕонньор Сиэн Кыыһынаан мустубут оҕолору үүнэн эрэр саргылаах Саҥа дьылынан эҕэрдэлээн, минньигэс бэлэхтэри туттартаатылар. Сэргэх көр-нар бырааһынньыктааҕы хоробуотунан түмүктэннэ.

«Ахсынньы 8-25 күннэригэр Майа сэлиэнньэтигэр «Үтүө санаа харыйа» аахсыйа ыытылынна. Аахсыйа чэрчитинэн оҕо сааһы санатар күндү бырааһынньыкпытын чугаһатан, умнуллубат түгэннэри, минньигэс бэлэхтэринэн күндүлээбит үтүө санаалаах Майабыт сэлиэнньэтин дьонугар-сэргэтигэр, тэрилтэлэр салайааччыларыгар улахан махталбытын тириэрдэбит!» — диир Майа сэлиэнньэтин дьаһалтатын дьиэ кэргэн киинин салайааччыта Владлена Павлова.