Хаартыскаҕа ааптар түһэриитэ
Ааспыт сыл бастыҥ киинэтин уһулааччыларга »Чыпчаал» киинэ бириэмийэтин туттарыы сиэрэ-туома буола турар.
»Чыпчаал» бириэмийэ үһүс төгүлүн туттарыллар. 2022 сыл түмүгүнэн, 11 киинэ киирбит. Барыта 10 номинация баар. Кыайыылаахтар бириистэрэ — скульптор Николай Чоччасов оҥорбут, күнү тутан турар киһи скульптурата.
»Чыпчаал» бириэмийэ бастыҥнары талар, эйгэни кэҥэтэр, саҥа таһымҥа тахсарга кынаттыыр тэрээһин буолар.
Бырабыыталыстыба бэрэссэдээтэлин солбуйааччы Сергей Местников Ил Дархан сорудаҕынан киинэни оҥорууга өрөспүүбүлүкэ бүддьүөтүттэн субсидия көрүллэрин, көмө кээмэйэ өссө кэҥээн, улаатан иһиэҕин туһунан эттэ.
Быйыл икки саҥа номинацияны олохтообуттар. Ол курдук, »Прорыв года» номинацияны документальнай киинэтинэн »Оскар» бириэмийэҕэ номинант буолбут Максим Арбугаевка биэрдилэр. Максим эдьиийин кытта Лос-Анджелес куораттан быһа холбонон, эҕэрдэтин, махталын тиэртэ.
»Киинэ сайдыытыгар сүҥкэн кылаатын иһин» номинацияны »Чыпчаал» бириэмийэни төрүттээбит режиссер Алексей Романовка биэрдилэр.
Номинациялары туттарыы өссө да салҕанар.
Ааптар видеоҕа устуута
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…