Хаартыска: ааптар тиксэриитэ
Максим Васильев — Дьокуускай куорат 39 нүөмэрдээх оскуолатын бастыҥ үөрэнээччитэ. Бу сотору сэттис кылааска үөрэнэ киирээри үөрэр-көтөр.
Үөрэҕин таһынан тхэквондо көрүҥүнэн дьарыктанар. Оскуолатын чиэһин элбэхтик көмүскүүр. Дьокуускай куорат, өрөспүүбүлүкэ чөмпүйүөнэ, призёра.
Максим ааҕарын, араас дойдуга айанныырын сөбүлүүр. Ийэтэ Екатерина Афанасьевна отут биэс сыл ыстаастаах английскай тыл учуутала буолан, араас омуктары кытары алтыһыы айаннарын ыарырҕаппаттар. Айан Максимҥа билиини-көрүүнү, үрдүк култуураны, иитиини биэрэр.
Уол сайын ахсын ийэтин түөлбэтигэр куруук алаадьылыыр, оҕуруот, сибэкки үүннэрэр, аныгылыы тутуутун тупсарар. Эбээлээх-эһээтиттэн хаалбыт уһаайбаларыгар сайылыылларын Максим саҕа сөбүлүүр оҕо суох. Максим куоракка эмиэ уу таһар үлэһиттэргэ үлэлэрин чэпчэтэн, кураанах иһиттэри тасыһар үлэлээх.
Үлэһит уол Кэптэнитигэр олохтоохтор махталларын ылыан ылла. Ол курдук, Арассыыйа үөрэҕириитин бочуоттаах учуутала, СӨ үөрэҕириитин туйгуна Татьяна Мигалкина бырайыагынан биир дойдулаахпыт, Лөгөй нэһилиэгин бочуоттаах олохтооҕо Алексей Самсонов архитектордаах суоппардар искибиэрдэригэр үүннэриллибит сибэккилэргэ уу кутан дохуоттаах дьарыктанна. Уу кутар киһи үс сылы быһа көстүбэккэ эрэйдэнэ сырыттахтарына, Максим уу кутарга сөбүлэспитин истэн, «Куорат кыра уола бу сайыҥҥа хайаан үлэлиэй?» диэн санааччылар бааллара. Искибиэргэ сибэкки арааһын чэлгитэн олордубут Надежда Бурнашева салайааччылаах оҕуруот түмсүүтэ киниэхэ итэҕэйэн, сүбэ буолбута. Ол түмүгэр үс ый курдук уу кутан, суоппардарбыт искибиэрдэрэ хаһааҥҥытааҕар да чэлгийэн көстөр. Онон, Максим үөрэҕэр кэтэр таҥаһын, туттар тэрилин бэйэтэ булунан, ийэтигэр көмөлөһөрүттэн астынар. Дьэ, маладьыас оҕо эбит! Оскуола да иитиитэ үчүгэйин Максимҥа көрөбүт.
Ульяна БУРНАШЕВА-УЙАНА, кэрэспэдьиэн, суруйааччы
Бүгүн, алтынньы 15 күнүгэр, Анаабыр, Булуҥ, Усуйаана, Аллайыаха, Үөһээ Халыма улуустарыгар хотугулуу-арҕааттан 15-20 м. түргэннээх…
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…