Хаартыска: СӨ Үөрэҕин уонна билимин министиэристибэтин телеграмыттан.
Балаҕан ыйын күнүгэр оскуола боруогун аан маҥнай атыллыыр 1 кылаас үөрэнээччилэригэр, СӨ Ил Дархана Айсен Николаев аатыттан сахалыы-нууччалыы тыллаах, ураты дневниктэри бэлэхтиэхтэрэ.
Дневниги таһаарыынан СӨ Үөрэҕин уонна билимин министиэристибэтэ дьарыктанар, уопсай ахсаана — 15 650.
Саамай кэрэхсэбиллээҕэ диэн, дневник сахалыы уонна нууччалыы тылынан суруллар. Төрөөбүт тылы тарҕатыыга бу биир дьоһуннаах хардыы диэн бэлиэтиэххэ сөп.
“Үөрэнээччи оскуолаҕа бастакы докумуона патриотическай уонна элбэҕи иһитиннэрэр ис хоһоонноох. Дневниккэ Арассыыйа уонна Саха сирин өрөгөй ырыаларын тиэкиһэ суруллар, Арассыыйа уонна өрөспүүбүлүкэ каарталара ойууланар, Арассыыйа уонна национальнай бырааһынньыктар ыйыллаллар. Мин санаабар, учууталлар, төрөппүттэр уонна оҕолор бэйэлэрэ хото туһанар “Сетевой куорат” электроннай сурунаал баарын да иһин, үөрэнээччигэ кумааҕынан дневник баара улахан суолталаах. Бу бастакы кылаас үөрэнээччилэрин толоругас, кичэллээх, бэрээдэктээх, кыһамньылаах буоларга үөрэтэр. Маны таһынан, учуутал уонна төрөппүт икки ардыгар сибээһи олохтуур”, — диэн СӨ Үөрэҕин уонна билимин миниистирэ Ирина Любимова кэпсиир.
Дневник “СӨ судаарыстыбаннай уонна дьиҥ таһымнаах тыллары чөл хаалларар уонна сайыннарар” судаарыстыбаннай бырагырааманы олоххо киллэрии иитинэн оҥоһуллубут. Уруоктары таһынан саҥа пуун быһыытынан оҕо бэйэтин күннээҕи туругун бэлиэтииригэр “Мин настарыанньам” уонна Үлэ сылынан “Үлэҕэ ситиһиитин сыанабыла” диэн саҥа пууннар эбиллибиттэр. Бу туһунан туһааннаах министиэрситибэ телеграм ханаалыгар сырдаталлар.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…