Марха өрүскэ кыһыҥҥы суол аһылынна

Бүгүҥҥүттэн, сэтинньи 22 күнүттэн, Ньурба улууһугар Марха өрүскэ кыһыҥҥы суол аһылынна.

Ол курдук, Мииринэй-Накыын хайысханан Марха өрүһүнэн 40 туоннаҕа диэри тимир көлөлөр сылдьаллара көҥүллэммитин туһунан Саха сиринээҕи ЫБММ-тин пресс-сулууспата иһитиннэрдэ. Ону тэҥэ, Өлөөн улууһугар Өлөөн — Харыйалаах хайысханан 20 туоннаҕа диэри уонна Эдьигээн улууһугар Эдьигээн — Аэропорт хайысханан 5 туоннаҕа диэри ыйааһыннаах тимир көлөлөр сылдьаллара көҥүллэннэ. Билиҥҥи туругунан Саха сирин үрдүнэн  алта өрүһү  туоруурга аналлаах кыһыҥҥы суол аһыллыбыт.