Мари Сырдык Күүс саҥа билгэтэ

Көрбүөччү Мария Кононова-Сырдык Күүс бу күннэргэ саҥа билгэтин таһаарда. Кини бу көрүүлэниитин 60-70% туолар диэн эппит. Дьэ, тугу көрүүлэммитий? 

• Халлааҥҥа сырдык уот умайарын көрөбүн, метеорит кэлэн иһэр.
• Муораҕа улахан дэлби тэбии буолар, хараабыллар умайалларын көрөбүн.
• Атомнай ыстаансыйаҕа саахал тахсар.
• Японияҕа, уопсайынан Соҕурууҥҥу-Илиҥҥи Азияҕа туох эрэ улахан “катастрофа” тахсар, сир анныгар холлоҕостору көрөбүн.
• Ууга барыыны көрөбүн, икки өрүс хаатыттан тахсыахтара. Хоту диэки уонна биирэ чугас. Атын эрэгийиэннэр халаантан эмиэ эмсэҕэлиэхтэрэ.
• “Ипотека кириисиһин” туһунан истэбин (иэскэ киирии, кыайан төлөөбөт буолуу, о.д.а.), “хабах” тэстэр.
• Норуоттар көһөн барыылара баар, үгүс дьон көһөн барар, кураанах куораттары, сэлиэнньэлэри көрөбүн.
• Сыана күүтүллүбүтүнээҕэр түргэнник үрдүүр. Сорох табаардар букатын сүтүөхтэрэ. Онон сорох үөрүйэхтэрбитин уларытарбытыгар тиийэбит.
• Дьоҥҥо арахсыы баар буолуоҕа (ол туһунан эрдэ эппитим), бырааптарын күөмчүлэппиттэр элбэхтэр, түөкүннээһин үксүүр. Болҕомтолоох буолуҥ!

Үтүө сонуннар:

• Биһиэхэ уонна атын эрэгийиэннэргэ социальнай суолталаах эбийиэк бөҕө тутуллар.
• Тыа хаһаайыстыбата сайдан иһэр.
• Чэпчэки бырамыысыланнас сайдар
• Байыаннай бырамыысыланнас сайдар.
• Дойдуга таптал, бэйэ гиэнин ордоруу күүһүрэр.
• Сыыппара экэниэмикэтэ сайдар, сыыппара валютатын көрөбүн.

Бу барыта буолбатах, өссө салгыыта баар буолуо…