Олунньу 19 күнүгэр Аҕа дойдуну көмүскээччи күнүн көрсө, Дьокуускайдааҕы уу тырааныспарын институтугар “Патриотизм диэн тугуй?” тиэмэҕэ санаа атастаһыыта буолла.
Устудьуоннары кытта Саха сириттэн Владимир Путин итэҕэллээх киһитэ, Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын салайааччыта Марина Бахилина, ону тэҥэ өрөспүүбүлүкэтээҕи офтальмологическай килиниичэскэй балыыһа кылаабынай бырааһа Иван Луцкан, Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлин солбуйааччы Александр Подголов, Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын салайааччытын солбуйааччы Альбина Винокурова кытыннылар.
Көрсүһүүгэ патриотизм туһунан кэпсэттилэр, бу эрэллээх буолууну, төрөөбүт дойдуга тапталы уонна көмөҕө кэлиини кэрэһилиирин эттилэр.
Марина Бахилина устудьуоннарга байыаннай дьайыы зонатыгар хайдах сылдьыбытын, Аҕа дойдуларыгар бэриниилээх буолууга холобурунан буолар төрөппүт уолаттарын туһунан кэпсээтэ.
“Таптал уонна бигэ эрэллээх буолуу дьиэ кэргэҥҥэ түстэнэр диэн бигэтик итэҕэйдим. Төрөппүт сүрүн соруга – дьоҥҥо-сэргэҕэ хайдах ытыктабыллаахтык сыһыаннаһарга оҕолорун үөрэтии”, — диэн санаатын үллэһиннэ Бахилина.
Тэрээһин түмүгэр Альбина Винокурова Буойуннар дьиэ кэргэттэрин аатыттан устудьуоннарга “Азбука о важном” өйдөбүнньүк кинигэни туттарда. Бу кинигэ Аҕа дойду уонна төрүт сыаннастар тустарынан кэпсииргэ көмөлөһөр тыллартан уонна терминнэртэн турар. “Азбука о важном” бырайыак 2023 сыл муус устар ыйга саҕаламмыта. Бу бүтүн Арассыыйатааҕы бырайыагы Арассыыйа Федерациятын бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев көҕүлээбитэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…