Мария Емельянова: «Ыарахан соҕус сыл ааста»

СӨ Саллааттар кэмитиэттэрин бэрэссэдээтэлэ Мария Егоровна Емельянова ааспыт сыл алтынньытыгар СӨ Ил Дарханын илиититтэн Софья Сидорова аатынан бочуоттаах бэлиэни туппута.  Байыаннай эпэрээссийэ саҕаланыаҕыттан Хабаровскай, Улан Удэ, Приморскай кыраай элбэх байыаннай чаастарыгар, Москва, Санкт-Петербург, Новосибирскай, Хабаровскай, Сибирцево, Сергеевка госпиталларыгар сылдьан бааһырбыт байыастары кытта көрсүбүтэ.

Мария Емельянова:

— Ийэ сыла түмүктэннэ. Ыарахан соҕус сыл ааста. Ол да буоллар, дьоммут-сэргэбит кыайыы көтөллөнөн дойдуларыгар этэҥҥэ эргиллэн кэлиэхтэрэ диэн эрэл санаалаах буолуохтаахпыт. Бары дьиэҕэ баар кыра оҕолорбутугар, сиэннэрбитигэр, чугас дьоммутугар Саҥа дьыл тыынын биллэриэхтээхпит. Олох салҕанар. Күннээҕинэн буолбакка, уһуну-киэҥи санаан, толкуйдаан, киэҥ көҕүстэнэн кэлэр сылбытын көрсүөҕүҥ. Үрүҥ Аар Тойонтон күүскэ көрдөһүөххэ­йиҥ!