Хаартыска: Маша Борисова олоҥхоһут Бэһиэлэйдээх Болуодьалыын. Сардаана Жакипова түһэриитэ.
Быйылгы Олоҥхо Ыһыаҕар Кэбээйи улууһун нэһилиэктэрэ, 2026 сылга Кэбээйи сиригэр-уотугар ыытыллыахтаах Олоҥхо ыһыаҕар бэлэмнэнэ таарыйа, ох курдук оҥостон кэлбиттэр.
2-с Лүүчүн нэһилиэгэ былыр-былыргыттан уус тыллаахтар уутуйан үөскээбит түөлбэлэрэ буолар. Онон Сайылыктааҕы оҕо ускуустубатын оскуолатын фольклорга уһуйааччыта Сардаана Жакипова салалтатынан оҕолор олоҥхоҕо ылсан үлэлии сылдьаллар. Быйылгы ыһыахха хайдах кыттыбыттарын Сардаана Константиновна маннык кэпсиир:
— Оҕо балаҕаныгар биирдиилээн уонна бөлөҕүнэн олоҥхону толоруу күрэҕэр уопсайа 116 оҕо кытынна. Биирдиилээн толорууга 55 оҕо, бөлөҕүнэн — 18.
Дьүүллүүр сүбэҕэ Олоҥхо научнай-методическэй киинин үлэһитэ Зоя Сысолятина, АГИКИ кафедратын сэбиэдиссэйэ, культурология салаатын кандидата Зоя Стрекаловская, А.Д. Макарова аатынан Култуура, ускуустуба колледжын уһуйааччыта Галина Лыткина үлэлээтилэр.
Олоҥхо Ыһыаҕын сүрүн күрэҕэр Кэбээйи улууһуттан быйыл онус кылааһы бүтэрбит Мастаах орто оскуолатын үөрэнээччитэ Маша Борисова Юрий Борисов «Баһырҕастаах аттаах Баабый Баатыр” олоҥхотунан кытынна. Итиэннэ «Уһун тыыннаах» анал аат ааты ылары ситистэ. Онон уһуйуллааччым ситиһиилээхтик кыттыбытыттан үөрдүм, төрөппүттэригэр Анжелика, Айаал Борисовтарга махтанабын. Машаҕа фольклор саамай уустук көрүҥэр утумнаахтык кыттан, саҥаттан саҥа ситиһиилэри ылан иһэригэр баҕарабын.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…