Хаартыска СИА.
Бу күннэргэ Аллараа Бэстээххэ туорайга (на поперечинах) олордуллар таһаҕаһы уурар тэрил (багажник) массыына конструкциятын уларытыынан буолар диэн суоппардары ыстарааптаан эрэллэрин, бу төһө оруннааҕын туһунан ыйытар ис хоһоонноох сурук социальнай ситимнэринэн тарҕаммыта.
Ханнык түгэҥҥэ ыстарааптаныахха сөбүн билээри ГИБДД управлениетын пресс-сулууспатыгар сибээскэ тахса сырыттыбыт. “ОТТС-нан (одобрение типа транспортного средства) бигэргэнэр тырааныспар конструкциятыгар киирсэр тэрили олордуу, тырааныспар конструкциятыгар уларытыыны киллэриинэн ааҕыллыбат.
Эбэн эттэххэ, пикап таһаҕас таһар өттүнээҕи хаппаҕа, массыына үрдүнээҕи таһаҕаһы уурар курдук тырааныспар судургутук уһуллар тэрилин олордуу иһин, өскөтүн тустаах тэриллэр судургутук уһуллар, тэрили олордуу уонна туһаныы ыйыытыгар сөп түбэһэрдик олордуллубут уонна бу тырааныспары туһаныы докумуонугар (эксплуатационная документация ТС) ыйыллар түгэнигэр, тырааныспар конструкциятыгар сөп түбэһии сибэдиэтэлистибэтин ылар ирдэммэт”, — диэн хоруйдаатылар.
Маны ааҕааччыларбытыгар тиийимтиэ гына судургутук баһааран биэрэригэр көрдөспүппүтүгэр, СӨ ИДьМ ГИБДД управлениетын суолга куттар суол буолуутугар салаатын иниспиэктэрэ Владимир Ощепков: “Түргэнник уһуллар таһаҕас тиэйэр тэрили (багажник) собуокка оҥоһуллубут эрэ буоллаҕына олордор ирдэнэр. Ол эрээри, собуокка оҥоһуллубут түргэнник уһуллар оннук тэрили, туттарыытын бэйэлэрэ оҥорон олордоллоро көҥүллэммэт.
Таһаҕас тиэйэр тэрили (багажник) туруоруллар түргэнник уһуллар туорай (поперечина) туох даҕаны эбии уларытыыта, эбиитэ-сабыыта суох, тиэхэньиичэскэй ирдэбилгэ сөп түбэһэр собуот оҥоһуута буолуохтаах. Сертификацияҕа хайдах суруллубутунан сылдьыахтаах”, — диэн быһаарда.
Өскөтүн итинтэн туорааһын баар, туох эмэ эбиини-сабыыны киллэрдэххэ “Административнай быраабы кэһии кодексын” 12.5 ыстатыйатын 1 чааһынан 500 солк. ыстарааптаныахха сөп.
2024 сыл 11 ыйын түмүгүнэн Саха сиригэр 45 мөлүйүөн туонна чох хостоммут. Бу былырыыҥҥы көрдөрүүттэн…
"Ретрограднай" Меркурий "төттөрү" барыыта бүтэрэ 3 хонук хаалла. Сэтинньи 26 күнүттэн ахсынньы 15 күнүгэр диэри…
Тулагы сэлиэнньэтигэр биллибэт суоппар массыынатын суулларбыт уонна саахал миэстэтиттэн куоппут. Бу туһунан Дьокуускайдааҕы Госавтоинспекция иһитиннэрэр.…
Ахсынньы тымныытын аахсыбакка, Саҥа дьылы көрсө Үөһээ Бүлүүгэ георгин сибэкки тыллан хараҕы үөрдэр, сайыны чугаһатар.…
Бүгүн, ахсынньы 12 күнүгэр, Нам улууһун Остуолба, Таатта улууһун Булуҥ уонна Томтор, Уус Алдан улууһун…
Бүгүҥҥүттэн, ахсынньы 12 күнүттэн, РФ Конституциятын күнүгэр Дьокуускайга «Объединяя лучшее - быть первым!» диэн ааттаах…