Ульяна Захарова хаартыскаҕа түһэриитэ
Саха сирин олохтооҕо эригэр массыына ыытар быраабы атыылаһаары, түөкүттэргэ албыннаппыт. Ол курдук, Амур уобалаһын 46 саастаах олохтооҕо 13 төгүл түөкүннээн, уопсайа 800 тыһыынча солкуобайы дьонтон суйдаабыт. Бу сыл муус устар ыйыгар, Алдан оройуонун полициятыгар олохтоох дьахтартан үҥсүү киирбит.
Кини кимэ биллибэт эр киһини эппиэтинэскэ тардар туһунан үҥсүбүт. ИДьМ салаатын холуобунай ирдэбилин үлэһиттэрэ суһал көрдөөһүн түмүгүнэн, Амур уобалаһын 46 саастаах олохтооҕун туппуттар. Эр киһи эрдэ түөкүннээһиҥҥэ түбэһэн сууттана сылдьыбыт эбит. Ол курдук, кини дьону албынныыр соруктаах интэриниэт ситимигэр массыына ыытар быраабы ыларга көмөлөһүү туһунан биллэрии таһаарбыт. Сотору кэминэн киниэхэ Алдан оройуонуттан эмсэҕэлээччи сибээскэ тахсыбыт. Дьахтар кэргэнигэр массыына ыытар быраабы бэлэхтиир санаалаах эбит. Уорбаланааччы массыына ыытар быраабы ыларга төлөбүр иһин көмөлөһүөн сөбүн туһунан иһитиннэрбит уонна дьахтар кэргэнин пааспарын куоппуйатын, хаартыскатын уонна төлөбүр көрдөөбүт. Кини докумуон бэлэм буоллаҕына дьахтарга сибээскэ тахсар туһунан эппит. Аҕыйах мүнүүтэнэн эмсэҕэлээччи дьахтар киниэхэ пааспар куоппуйатын, хаартыска уонна 70 тыһыынча солкуобайы ыыппыт. Уорбаланааччы бу ылбыт харчытын барытын тус наадаларыгар туттубут.
«Холуобунай дьыаланы силиэстийэлиир кэмҥэ биллибитинэн, уорбаланааччы өссө 13 маннык түөкүннээһини оҥорбута биллибит. Дьону албыннаабыт харчытын сууммата 800 тыһыынча солкуобайга тэҥнэспит», — диэн ИДьМ Алданнааҕы салаата иһитиннэрбит.
Быйыл православнай итэҕэллээхтэргэ Пасха бырааһынньыга ыам ыйын 5 күнүгэр бэлиэтэнэр. Бу бырааһынньык иннинээҕи нэдиэлэ "Страстная…
Дьокуускай куорат устуоруйатын түмэлигэр «Якутская керамика: от забвения до возрождения» диэн быыстапка аһылынна. Быыстапканы тэрийиини…
Муус устарга 80 саастарын туолбут аҕам саастаах дьон биэнсийэлэригэр фиксированнай төлөбүрү эбии ылыахтара. Бу сокуон…
Таптыыр Сахабыт сирин үлэни өрө туппут, күүстээх санаалаах, көрсүө-сэмэй майгылаах олохтоохторун Үлэ, Эйэ, Саас бырааһынньыгынан…
Төлөпүөнүнэн харчыны суйдуур түөкүттэр аны бассаапка* сахалыы иһитиннэриилэри ыытар буолбуттар. Бу туһунан СӨ ИДьМ иһитиннэрэр.…
Ааспыт сууккаҕа Саха сиригэр 9 буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр. Горнай улууһугар…