Массыыната тутуллубутун кэннэ иэһин төлөөбүт

Саха сиринээҕи Суут бириистэптэрин сулууспатыгар Бүлүү олохтооҕо юридическай сирэйгэ  хоромньуну толуйууга дьыалата киирбит. Бу туһунан СӨ Суут бириистэптэрин сулууспатын пресс-сулууспата иһитиннэрэр.

Иэстээх киһи өр кэм устата, иэһин төлүүргэ туох да дьаһалы ылымматах. Кини суут бириистэбин ирдэбилин аахса барбакка, иэһин төлүүргэ  баайын-дуолун уонна дохуотун туһунан биллэрбэтэх. Иэс сууматын ирдиир тэрээһини ыытыы кэмигэр, суут бириистэбэ иэстээх киһи бас билиитигэр баар таһаҕас тиэйэр массыынатын былдьыырга боротокуол суруйбут. Түмүгэр иэстээх Бүлүү олохтооҕо  хоромньу сууматын сорҕотун төлөөбүт. Билигин иэһин ордугун ирдиир үлэ салҕанар.