“Матч ТВ” федеральнай ханаал VIII-с “Азия оҕолорун” сырдатыаҕа

2024 сыл сайыныгар Саха сиригэр ыытыллар VIII норуоттар икки ардыларынааҕы “Азия оҕолоро” оонньуулары “Матч ТВ” федеральнай ханаал сырдатыаҕа.

Оонньуу кэмигэр успуорт биэриилэрин көрдөрөргө идэтийбит ханаалга трансляциялар барыахтара. Бу туһунан СӨ Физическэй култуура уонна успуорт министиэристибэтэ “Матч ТВ” салалтатын кытары “Россия – спортивная держава” 11-с норуоттар икки ардыларынааҕы успуорт пуорумугар сөбүлэһии түһэристилэр.

Санатан эттэххэ, күрэхтэһии 2024 сылга бэс ыйын 25 — от ыйын 7 күннэригэр ыытыллара былааннанар.