Матрена Лаврушкина: «Улахан Муҥку нэһилиэгин дьоно-сэргэтэ Кыайыы туһугар тус кылааттарын киллэрэллэр»

Share

Өлүөхүмэ улууһун Улахан Муҥку нэһилиэгин дьоно-сэргэтэ байыаннай эпэрээссийэ түргэнник бүтэрин, эйэлээх олох эргийэрин туһугар тус көмөлөрүнэн, кылааттарынан кыайыыны уһанса, чугаһатыһа сылдьаллар. Ол туһунан Улахан Муҥку нэһилиэгин «Аартык» Норуот айымньытын дьиэтин дириэктэрэ Матрена Афанасьевна Лаврушкиналыын сибээстэһэн кэпсэттибит.

— Биһиги байыаннай эпэрээссийэҕэ сылдьар дьоммут дьиэ кэргэттэрин өйүүр сыаллаах нэһилиэккэ тохсунньу 22 күнүгэр аһымал кэнсиэри, дьаарбаҥканы тэрийэн ыыппыппыт. Ол түмүгэр 31 тыһыынча солкуобайы киллэрбиппитин бу дьиэ кэргэттэргэ көмөлөлөһүүгэ диэн олохтоох дьаһалтаҕа тиксэрбиппит. “Матери Якутии – солдатам” аахсыйаны өйөөммүт, таҥас тигэн, харысхаллары оҥорон, мөһөөччүккэ боҕуруоскай оту уган, анал сиэри-туому тутуһан арчылаан, саллааттарга тиксэрэллэригэр анаан бэлэмниирбитин “Саха” НКИК видеосюжет устан турар.
«Тепло материнских рук» аахсыйанан сылаас таҥас хомуйуутугар элбэх дьоммут ис сүрэхтэриттэн кыһаллан кыттыбыттара. Аны оҕолорбут саллааттарга анаан Саҥа дьыллааҕы эҕэрдэ аккырыыккалары бэйэлэрэ уруһуйдаан, суруйан оҥорбуттара. Улуус баһылыгын социальнай боппуруоска солбуйааччыта маннык бүтүннүүтэ бэйэ оҥоруута аккырыыкканы эһиги эрэ ыыттыгыт диэн бэлиэтээбитэ.
«Снежинка добра» аахсыйанан байыаннай эпэрээссийэҕэ сылдьар уолаттарбыт уонна кыра дохуоттаах ыалларбыт оҕолоругар Саҥа дьыллааҕы бэлэхтэри бэлэмнээн, тэрийэн туттартаабыппыт. Саллааттарбыт дьиэ кэргэттэрэ бэйэлэрэ кыһалҕаларын быһаарына үөрэммит тыа сирин сэмэй дьоно буолан, көмө көрдүүрү кыбыстар курдуктар. Ол эрэн нэһилиэкпит тэрилтэлэрэ эппиэтинэс ылан сыһыарылланнар, туох көмө наада буолла да, көмөлөһөргө өрүү бэлэмнэр. Байыаннай дьайыыларга кытта барбыт 4 уолбут дьиэ кэргэнигэр ыччаттарбыт уокка оттор маһы мастаан, иһэр ууларыгар мууһу ылан тиэйэн, туруоран биэрбиттэрэ.
Нэһилиэк дьоно-сэргэтэ байыаннай эпэрээссийэ түргэнник бүтэрин, эйэлээх олох эргийэрин туһугар тус көмөлөрүнэн, кылааттарынан кыайыыны уһанса, чугаһатыһа сылдьаллар.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Сүрүн

Аҕа дойду сэриитигэр Улуу Кыайыыга аналлаах тэрээһин буолла

Ыам ыйын 6 күнүгэр Аҕа дойду сэриитигэр Кыайыы 79 сылыгар аналлаах «Этот день мы приближали,…

32 минуты ago
  • Байыаннай эпэрээссийэ
  • Сонуннар

Саха сирин быраастара Докучаевскайга көмөлөһөллөр

Саха сирин быраастара Докучаевскайга 500-тэн тахса киһиэхэ мэдиссиинэ көмөтүн оҥордулар. Өрөспүүбүлүкэ сибээһи олохтообут ДНӨ Докучаевскай…

59 минут ago
  • Сонуннар
  • Уопсастыба

Мэҥэ Хаҥалас улууһугар Кыайыы күнүн көрсө

Саха сирин үрдүнэн Улуу Кыайыы 79 сылын көрсө араас тэрээһиннэр ыытыллаллар. Кыайыы күнүн тэрээһиннэрин, мэлдьи…

1 час ago
  • Байыаннай эпэрээссийэ
  • Сонуннар

Хаҕын олохтоохторо байыастарга көмөлөһөллөр

Бүлүү улууһун Хаҕын нэһилиэгин дьоно-сэргэтэ байыастарга көмөнү оҥорууга көхтөөхтүк кытталлар. Быйыл тэрилтэ үлэһиттэрэ биирдии күннээҕи…

2 часа ago
  • Сонуннар
  • Уопсастыба

Күн-дьыл туруга бүгүн хайдаҕый?

Күн-дьыл туруга бүгүн хайдаҕый? Дьокуускайдааҕы метеосулууспа иһитиннэрэринэн, Халыма-Индигиир оройуоннарыгар сөҥүүтэ суох. Түүнүн  Мииринэй, Сунтаар, Ньурба,…

2 часа ago
  • Сонуннар

Покровскай куоракка Өлүөнэ кытылын ыраастаатылар

Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…

14 часов ago