“МедЭкспо” быыстапка ыҥырар

Муус устар 3-5 күннэригэр Дьокуускайга “МедЭкспо: Доруобуйа уонна Кэрэ буолуу” эрэгийиэннэр икки ардыларынааҕы быыстапка ыытыллар.

Муус устар 7 күнүгэр бэлиэтэнэр Бүтүн аан дойдутааҕы Доруобуйа  күнүн чэрчитинэн, муус устар 3-5 күннэригэр, “Куруһаала” атыы-эргиэн киинигэр ыытыллар быыстапкаҕа Саха сирин мэдиссиинэтин сүрүн тэрилтэлэрэ кытталлар.

Үгэскэ кубулуйбут сыл ахсын ыытыллар тэрээһиҥҥэ психиатр-нарколог, невролог, психолог, фтизиатр, дерматовенеролог и офтальмолог быраастартан сүбэ-ама ылыахха сөп. Ону таһынан баҕалаах дьон экспресс-анаалыстары туттарыахтарын,  онтон муус устар 4 күнүгэр флюорографияҕа түһүөхтэрин  сөп.