Алтынньы 20 күнүгэр Дьокуускайга Сүрэх-тымыр киинин ыраахтан сүбэлиир-амалыыр киинигэр Корея Өрөспүүбүлүкэтин Чоннам университетын иһинэн Хвансун балыыһатын быраастара кыттыылаах бастакы теле-мэдиссиинискэй сибээс олохтонно.
Бу тэрээһин 2021 сыллаахха сэтинньигэ ылыллыбыт Мэдиссиинэ национальнай киини кытары хардарыта өйдөһүү туһунан меморандумы олоххо киллэриигэ бастакы бырактыычаскай хардыынан буолла.
Искэн ыарыылаах киһини эмтээһин боппуруостарыгар тэлэ-мэдиссиинэ көмөтүнэн консультацияҕа Мэдиссиинэ национальнай киинин-Өрөспүүбүлүкэтээҕи 1 №-дээх балыыһа генеральнай дириэктэрэ Станислав Николаевич Жирков, СӨ Доруобуйа харыстабылын министиэристибэтин штаты таһынан кылаабынай онколога, диспансер химиотерапияҕа отделениетын сэбиэдиссэйэ Феодосия Гаврильевна Иванова уонна Сүрэх-тымыр киинин дириэктэрэ Күндүл Иванович Иванов, онтон Корея өттүттэн бэрэпиэссэр, мэдиссиинэ наукатын доктора, Хвасун балыыһатын искэни эмтиир отделениетын бырааһа Чо Сан Хи кытыннылар. Телеконсультация чэрчитинэн, эмтэнээччи анаалыстарын түмүгэр уонна салҕыы эмтээһиҥҥэ санааларын үллэһиннилэр. Хвасун балыыһатын кытары теле-мэдиссиинэҕэ маннык быраактыка салҕаныаҕа. Ити, биллэн турар, мэдиссиинискэй көмө хаачыстыбата үрдүүрүгэр көмөлөһүөҕэ.
ЫСПЫРААПКА:
Чоннам университет иһинэн Хвасун балыыһа Корея Кванджу куоратыгар баар. Балыыһа 2004 сыллаахха искэн ыарыылаахтарга анал мэдиссиинискэй көмөнү оҥорорго анаан аһыллыбыта. Балыыһа бары кэриэтэ хайысхаҕа 26 отделениелаах уонна 700 миэстэлээх. Манна үгүс үөрүйэхтээх 1000-тан тахса исписэлиис үлэлиир. Балыыһа ортотунан биир күҥҥэ 2000-тэн тахса киһини көрсөр.
Хвасун үс сыл субуруччу «Аан дойду бастыҥ онкологическай балыыһата» испииһэккэ, Корея Өрөспүүбүлүкэтин 7 бастыҥ онкологическай килииникэтин ахсааныгар киирдэ.
Горнай улууһугар Атамайга "Радуга" уһуйаан тэриллибитэ 65 сылын бэлиэтиир тэрээһин өрө көтөҕүллүүлээхтик буолла. Бу күн…
Оҕо уруһуйугар болҕомтоҕутун ууруҥ диэн психологтар сүбэлииллэр. Баһыйар өҥүнэн оҕо уйулҕатын туругун быһаарыахха сөп диэн…
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар "Саюри" тэпилииссэ комплексыгар газовай электрстанция (ГПУ)…
Сахаҕа сылгы сүдү суолталаах, ону кытта сылгы идэһэ биир мааны аһылыгынан биллэр. 1980–1990‑с сылларга тэҥнээтэххэ,…
Бүгүн, сэтинньи 23 күнүгэр, Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан иһитиннэрии киирбит. Кини 1999 уонна…