Айсен Николаев телеграм-ханаалыттан.
Мэҥэ Хаҥалас улууһун Өлөчөй сэлиэнньэтигэр гаас кэллэ. Бу үөрүүлээх түгэҥҥэ Ил дархан Айсен Николаев кыттыыны ылла.
«Нэһилиэк олохтоохторугар гаас кэлиитэ саҥа олох саҕаланыытынан буолар. «Сахатранснефтегаз» хампаанньа сыралаах үлэтинэн Өлөчөй дьиэлэрэ гааска холбонон эрэллэр. Олохтоохтор дьоллоноллоро — бу биһиги үлэбит саамай сүрүн түмүгэ.
Элбэх оҕолоох Поповтарга ыалдьыттаатым. Кинилэр дьиэлэрэ гааска биир бастакынан холбонно. Ыал аҕата Иннокентий Николаевич байыаннай дьайыы кыттыылааҕа, бэйэтин баҕатынан төрөөбүт дойдутун көмүскүүргэ туруммута. Дьиэ кэргэн үс оҕолоох, төрөппүттэр оҕолоругар кыра эрдэхтэриттэн төрөөбүт сиргэ-уокка, үлэҕэ тапталы иҥэрэллэр. Кыра кыыс Ксюша Саха сирин туһунан хоһоон ааҕан иһитиннэрдэ. Поповтар гаас кэлэн, олохторо биллэ чэпчээбитин кэпсииллэр. Биһиги хас биирдии дьиэҕэ сылаас буоларыгар, дьон олоҕун хаачыстыбата тупсарыгар кыһаллабыт. Үлэ салҕанар!» — диэн Айсен Николаев телеграм-ханаалыгар суруйда.
Бүгүн, ахсынньы 12 күнүгэр, Дьокуускай куорат 15-с №-дээх оскуолатыгар миинэ ииппиттэрин туһунан иһитиннэрии киирбит. Бу…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов бүгүн Үөһээ Бүлүү уонна Чурапчы улуустарын баһылыктарын, ону…
Бүгүн, ахсынньы 12 күнүгэр, Дьокуускай аэропордугар Таилантан уонна Филиппиныттан кэлбит боксердары көрүстүлэр. Спортсменнар ахсынньы 14…
Усуйаана улууһун 50 саастаах олохтооҕо билэр киһитин тимир светильнигинэн кырбаан өлөрбүт. Бу туһунан СӨ Борокуратууратын…
Ил Дархан Айсен Николаев “Искусственнай интеллект эйгэтигэр айан” норуоттар икки ардыларынааҕы кэмпириэнсийэҕэ кыттыыны ылла. Суолталаах тэрээһиҥҥэ…
Бүгүн, ахсынньы 12 күнүгэр, Дьокуускайга "Руслан" тыа хаһаайыстыбатын тиэхиньикэтин уонна саппаас чаастары атыылыыр маҕаһыын умайда.…