Мэҥэ Хаҥалас улууһугар оскуола оҕолоро астан сүһүрдүлэр

Бэҕэһээ Мэҥэ Хаҥалас улууһун спортивнай оскуолатын иитиллээччилэрэ астан сүһүрэн балыыһаҕа киирбиттэрэ.

2024 сыл алтынньы 4 күнүгэр СӨ Силиэстийэлиир кэмитиэтин силиэстийэлиир уорганыгар Мэҥэ Хаҥалас улууһуттан спортивнай орто оскуола хас да үөрэнээччитэ аһаан баран, доруобуйалара мөлтөөбүтүн туһунан иһитиннэрии киирбит.

Бу туһунан СӨ Силиэстийэлиир кэмитиэтин пресс-сулууспата иһитиннэрэр.

Оҕолор аһылыктан сүһүрэн ыалдьаннар балыыһаҕа киирэннэр мэдиссиинэ көмөтүн ылаллар. Бу быһылаан тахсыбыт чахчытыгар олоҕуран, РФ Силиэстийэлиир кэмитиэтин Саха сиринээҕи Илин эҥэр улуустарын икки ардыларынааҕы силиэстийэлиир отдела бэрэбиэркэ ыытар.

Быһылаан буолбут сиригэр Силиэстийэлиир кэмитиэт үлэһиттэрэ, суһал сулууспалар уонна тустаах биэдэмэстибэлэр бэрэстэбиитэллэрэ тиийэн үлэлээн эрэллэр. Билигин Силиэстийэл кэмитиэт үлэһиттэрэ хас оҕо  эмсэҕэлээбитин, доруобуйаларын туругун быһаараллар, быһылаан тахсыбыт төрүөттэрин, о.д.а. үлэни ыыталлар. Бэрэбиэркэ түмүгүнэн, сокуон ирдэбилинэн быһаарыы ылыллыаҕа.