Чурапчы улууһун А.С. Бродников аатынан Төлөйдөөҕү «Аартык» норуот айымньытын дьиэтин үлэһиттэрэ «Симэммит Мааныкай» диэн ынах сүөһү хаартысканан куонкуруһун ыыппыттарын туһунан суруйан турабыт.
Биллэн турар, ким ынаҕа кыайыылаах тахсыбытын билиэн баҕалаах үгүһэ чахчы.
Норуот айымньытын дьиэтин дириэктэрэ Максим Смирников иһитиннэрбитинэн, 25 кыттааччыттан «Симэммит Мааныкай» кыайыылааҕынан Мэҥэ Хаҥалас улууһун Чыамайыкытын олохтооҕо Степанида Иванова түһэрэн ыыппыт «Сир симэҕэ Мичийэ» хаартыската 1-кы бочуоттаах миэстэҕэ тиксэн, «Муҥутуур кыайыылааҕынан» буолла.
5 ыйдаах саха боруодата уонна герефорд боруода булкаас ньирэй «бааһынай» диэх курдук, төрөлкөйө, кырасаабыссата, дьэ, кырдьык, кини эрэ. Арааһа, аата Мичийэ диэн буолан сир симэҕинэн ааттаммыт быһыылаах. Киһи эрэ «Симэммит Мааныкай» диэх курдук! Онон Чыамайыкы Мичийэтэ бастыан бастаан, хаһаайкатыгар 40 л үүт туттарар бөтүөнү бэлэхтээтэ.
Оттон Таатта Ытык Күөлүн олохтооҕо Василий Захаров Сардаана ынаҕын хаартыската сэтинньи 18 күнүнээҕи 00:00 чаас түмүгүнэн 1210 биһирэбили (лайк) ылла. Бу көрөөччү бастыҥ биһирэбилэ.
Норуокка биһирэммит куонкурус үһүс төгүлүн ыытыллар. Хаартысканан куонкурус сэтинньи 4 күнүттэн сэтинньи 18 күнүгэр диэри ыытылынна.
Ыраахтан чугастан үгүс киһи «Мааныкайын» хаартыскатын ыытан, куйаар ситиминэн куонкуруска бэрт көхтөөхтүк кытыннылар.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…