Хаартыска: Саина Титова, СИА.
Мэҥэ Хаҥалас улууһугар биир саастаах оҕо лиитийдээх батарейканы ыйыстыбыт, ону алтыс күнүгэр биирдэ хостообуттар. Бу туһунан СИА суруйар.
Оҕо аһаабат буолбутугар уонна этин-сиинин температурата тахсыбытыгар төрөппүттэрэ бырааһы ыҥырбыттар. Батарейка оҕо куолайыгар иҥнибит, онон уорганын сиэн бааһыран тахсыбыт. Бу туһунан СИА-ҕа Өрөспүүбүлүкэтээҕи 1-кы №-дээх балыыһа — Мэдиссиинэ национальнай киинин Педиатрическай киинин оҕо хирургическай салаатын сэбиэдиссэйэ Антон Тарасов иһитиннэрбит.
Быраастар оҕо тииһэ тахса сатыыр буолан этэ-сиинэ температураламмыт дии санаабыттар. Онтон төрөппүттэр иккистээн Мэҥэ Хаҥаластааҕы балыыһаҕа кэлбиттэригэр дьэ биирдэ оҕо иһигэр туох эрэ атын эттик баар диэн сэрэйбиттэр. Оҕону балаҕан ыйын 13 күнүгэр Дьокуускайга эпэрээссийэлии аҕалбыттар.
«Билигин оҕо реанимацияҕа сытар, туруга ыарахан. Батарейкаттан куолайа сиэниллибит, испит. Маннык батарейка киһи иһигэр аҕыйах чаас да сырыттаҕына улахан дьайыыны оҥорор», — диэн сэбиэдиссэй Антон Тарасов иһитиннэрбит.
Быраастар этэллэринэн, балаҕан ыйыгар оҕолор батарейканы ыйыстыыларын номнуо үһүс түбэлтэтэ буолбут. Бу иннинэ икки оҕо госпитализациялана сылдьыбыт. Кинилэр билигин гастроэнтерологическай салааҕа эмтэнэллэр.
Хоту арктическай улуустары аһынан-табаарынан хааччыйыы биир тирээн турар сорук буолар. Сайынын уу суолунан таһаҕас тиэммит…
Бүлүү улууһун Үгүлээт нэһилиэгиттэн байыаннай дьайыыга сулууспалыы сылдьар "Малой" диэн позывнойдаах байыас Бүлүү улууһун олохтоохторугар,…
Орто Халыма куорат маастара Алексей Егорович Тарасов кэлэр сыл бэлиэтин -- Моҕойу хаартан оҥордо. [gallery…
Т-80 тааҥка “Алеша” экипаһа ВСУ холуоннатын тоҕута сынньан дьоруойдуу быһыыны оҥорбутун күөх экраҥҥа көрбүппүт. Бу…
Дьокуускайга "Надежда" уһуйаан иитиллээччилэригэр Тымныы Оҕонньор уонна Хаарчаана түннүгүнэн көстөн ааспыттар. Оҕолор үөрүүлэрэ муҥура суох. …
Саха сиригэр ааспыт сууккаҕа биэс буруйу оҥоруу тахсыбытын туһунан СӨ борокуратуура иһитиннэрэр. Мииринэй оройуонугар дьахтар…