Мэҥэ Хаҥаласка умулларбакка быраҕыллыбыт табахтан баһаар буолла

Бэҕэһээ, ыам ыйын 2 күнүгэр, Мэҥэ Хаҥалас улууһун Хаптаҕай нэһилиэгэр баар Хоту арыы диэн сиргэ баһаар буолбут. Бу туһунан СӨ Борокуратуурата иһитиннэрэр.

Быһылаан буолбут сиригэр оройуон борокуруора, тустаах биэдэмистибэлэр үлэлээбиттэр.

Баһаары 11 киһи умуруорбут.

Бэрэбиэркэ түмүгэр буруйдаах быһаарыллыбыт — Хаптаҕай нэһилиэгин 1973 с.т. олохтооҕо. Кини табаҕын умуруорбакка сиргэ быраҕан, кураанах от умайбыт. Уот барыта 6 га-лаах сиринэн тарҕаммыт.

Буруйдаах киһи административнай эппиэтинэскэ тардылынна, 5 тыһ.солк. ыстараабы төлүөҕэ. Итиэннэ баһаары умуруоруу хоромньутун толуйуоҕа.