МФЦ нөҥүө иэһи устуохха сөп диэн иһитиннэрии тарҕанна

МФЦ нөҥүө иэһи устуохха сөп диэн ссылкалаах иһитиннэрии мессенджергэ тарҕана сылдьар.

Билигин дистанционнай түөкүттэр  элбээбит кэмнэригэр, дьон куттанан билбэт ссылкаларынан мээнэ киирбэт.

Биһиги  МФЦ пресс-сулууспатыгар сибээскэ тахсан, бу тарҕана сылдьар иһитиннэрии туһунан ыйыппыппытыгар:

— МФЦ нөҥүө моҥкуруут барыы босхо өҥөтө баар. Бу барыта сокуону тутуһан туран оҥоһуллар. Мессенджергэ  маннык тарҕанар сурахтары сонун быһыытынан ыытыахтарын сөп эрээри, билбэт ссылканан мээнэ киирэр сэрэхтээх. Ол кэриэтин МФЦ-га  кэлэн чопчулаһыахха, туһааннаах өҥөнөн туһаныахха сөп. Бу туһунан биһиги саайтпытыгар, телеграм-ханаалбытыгар сиһилии сурулла сылдьар.