СӨ үөрэҕин уонна билимин миниистирин бастакы солбуйааччы Михаил Присяжнай бүгүҥҥү брифинг кэмигэр, өрөспүүбүлүкэ анал байыаннай эпэрээссийэҕэ кыттааччыларын дьиэ кэргэнин чилиэннэрэ үөрэнэр уонна өйөбүл миэрэлэри туһанар орто уонна үрдүк үөрэх тэрилтэлэрин ахсаана эбиллибитин иһитиннэрдэ.
“Бу Рязанскай уонна Амурскай уобаластар, Томскай, Владивосток, Екатеринбург үрдүк үөрэхтэрин кыһалара, ону тэҥэ, араас кэллиэстэр, олор кэккэлэригэр судаарыстыбаннайа суохтар уонна үрдүк үөрэх кыһаларын иһинэн кэллиэстэр бааллар”, — диэн Михаил Присяжнай этэр.
2023 сыл тохсунньу 10 күнүнээҕи туругунан, байыаннай сулууспалаахтар дьиэ кэргэттэрин чилиэннэригэр 280 анал үрдэтиллибит истипиэндьийэ көрүллүбүт: 198 истипиэндьийэ – тиэхиньикум уонна кэллиэс устудьуоннарыгар, 82 – үрдүк үөрэх тэрилтэлэрин устудьуоннарыгар.
Санатан эттэххэ, 5 607 солк. кээмэйдээх үрдэтиллибит истипиэндьийэ, СӨ Ил Дархана Айсен Николаев “Байыаннай сулууспалаахтар дьиэ кэргэттэригэр өйөбүл миэрэлэр туһунан” ыйааҕар олоҕуран, анал байыаннай эпэрээссийэ кыттыылааҕын устудьуон оҕото үөрэххэ ситиһиититтэн тутулуга суох барыларыгар көрүллэр.
Ону таһынан, Ил Дархан ыйааҕынан тус сыаллаах үөрэх туһунан дуогабары инники учаратынан (в приоритетном режиме) түһэрсэллэр. “Күн бүгүн тус сыаллаах үөрэххэ 102 сөпсөһөр быһаарыы ылылынна. Бу орто анал уонна үрдүк үөрэх ороскуотун судаарыстыба толуйуута эрэ буолбакка, эбии истипиэндьийэ, үөрэнэр сирдэригэр тиийии уонна төттөрү кэлии, ону тэҥэ, инникитин үлэ миэстэтинэн хааччыйыыны мэктиэлээһин” – диэн миниистири бастакы солбуйааччы бэлиэтээтэ уонна тус сыаллаах үөрэх сакаасчыттарыгар – устудьуоннар инникитин үлэлиэхтээх миэстэлэрин буларга көмөлөһөр тэрилтэлэргэ, өрөспүүбүлүкэ министиэристибэлэригэр махталын биллэрдэ.
Тус сыаллаах үөрэх дуогабарын түһэрсэргэ эбэтэр анал үрдэтиллибит истипиэндьийэни ылар туһугар Дьокуускай уонна өрөспүүбүлүкэ бары улуустарын МФЦ офистарыгар биир сайабылыанньаны биэрэр ирдэнэр. Сайабылыанньаны e-yakutia.ru судаарыстыбаннай уонна муниципальнай өҥөлөр порталларынан электроннай көрүҥүнэн эмиэ ыытыахха сөп.
Ил Дархан уонна Бырабыыталыстыба пресс-сулууспата.
Быйыл, сэтинньи бүтүүтэ, биһиги Саха сирин суруйааччыларын айар сойуустарын 90 сылын бэлиэтиэхпит. Бу 90 сылтан…
Бүгүн, сэтинньи 24 күнүгэр, 19:00 чаастан "Россия 24" телеханаалга «ВМЕСТЕ с Айсеном Николаевым» биэриини көрүҥ.…
Соторутааҕыта буолан ааспыт фашизмы утарыы пуорумугар байыаннай дьайыыттан 25 бастыҥ байыас инники кирбииттэн кэлэн кыттыбыта.…
Ааспыт сууккаҕа буруйу оҥоруу 6 түбэлтэтэ бэлиэтэнэн, СӨ Борокуратууратын хонтуруолугар киирдэ. Уус Алдан улууһугар 1977…
Ил Дархан Айсен Николаев Саха Өрөспүүбүлүкэтин салалтатын уонна тус бэйэтин аатыттан Ийэ күнүнэн эҕэрдэлээтэ. -…
Бүгүн, сэтинньи 24 күнүгэр, өрөспүүбүлүкэ арҕаа, соҕуруу өттүгэр хаардыаҕа, сорох сиринэн сөкүүндэҕэ 9-14 м. түргэннээх…