СӨ Үөрэххэ уонна наукаҕа миниистирин бастакы солбуйааччы Михаил Юрьевич Присяжнай анал байыаннай эпэрээссийэҕэ кыттар саллааттар дьиэ кэргэттэриттэн үөрэнэр устудьуоннарга өйөбүл ханнык көрүҥнэрэ олоххо киирбитин ааҕааччыларга анаан билиһиннэрэр. Кини этэринэн, хас биирдии үөрэх кыһата мантан туспа, бэйэтэ олохтообут өйөбүлүн эмиэ көрөр.
— Күн бүгүн СӨ Үөрэххэ уонна наукаҕа министиэристибэтигэр анал байыаннай эпэрээссийэҕэ кыттар саллааттар дьиэ кэргэттэриттэн элбэх өҥөнү оҥорор киин нөҥүө балачча сайабылыанньа киирэн, устудьуоннарга өйөбүлү көрүүгэ үлэ бара турар. Ол курдук, кинилэр оҕолоругар, ол аата тиэхиньикумнарга, кэллиэстэргэ уонна үрдүк үөрэх кыһаларыгар үөрэнэр устудьуоннарга, 21.10.2022 с. 649 №-дээх Бырабыыталыстыба уурааҕынан бигэргэтиллибит анал (үрдүк) истипиэндьийэ кээмэйин уонна төлөнөр усулуобуйатын Бэрээдэгэр уонна 23.08.2021 с. 286 №-дээх Бырабыыталыстыба уурааҕынан бигэргэтиллибит гражданнары тус сыаллаах үөрэтии туһунан Балаһыанньаҕа сөп түбэһиннэрэн, истипиэндьийэлэр ананан төлөнөллөр.
2022 с. ахсынньы 9 күнүнээҕи туругунан, байыаннай сулууспалаахтар дьиэ кэргэттэригэр (оҕотугар, кэргэнигэр) – ол аата, тиэхиньикумнарга, кэллиэстэргэ уонна үрдүк үөрэх кыһаларыгар үөрэнэр барыта 228 устудьуоҥҥа, ол иһигэр тиэхиньикумнарга, кэллиэстэргэ үөрэнэр 156 устудьуоҥҥа, үрдүк үөрэххэ үөрэнэр 72 устудьуоҥҥа анал (үрдүк) истипиэндьийэ төлөнөр.
Билигин байыаннай сулууспалаахтар дьиэ кэргэттэрин (оҕотугар, кэргэнигэр) – ол аата, тиэхиньикумнарга, кэллиэстэргэ уонна үрдүк үөрэх кыһаларыгар үөрэнэр устудьуоннары кытта тус сыаллаах үөрэтии туһунан 102 дуогабар түһэрсилиннэ. Тус сыаллаах үөрэттэрии сакаасчыттарынан СӨ Тыа хаһаайыстыбатыгар, Урбааҥҥа, Үпкэ, Экэниэмикэҕэ, Айылҕа харыстабылыгар, Спортка, Тырааныспарга, Үөрэхтээһиҥҥэ, Бырамыысыланнаска уонна геологияҕа, Култуураҕа, Доруобуйа харыстабылыгар, Инновацияларга, Тас сибээстэргэ, ОДьКХ министиэристибэлэрэ, Олоххо куттал суох буолуутун хааччыйар Судаарыстыбаннай кэмитиэтэ, Ил Дархаҥҥа архитектура уонна тутуу управлениета, СӨ мировой судьуйаларын үлэлэрин хааччыйар Киин аппараат уонна СӨ Элбэх өҥөнү оҥорор киинэ буоллулар.
Маннык дуогабарынан ыччаттар РГГУ-га, Ураллааҕы юридическай университекка, В.Ф. Уткин аатынан Рязаннааҕы радио-тэхиньиичэскэй университекка, Москватааҕы авиационнай үнүстүтүүккэ, Омскайдааҕы медицинскэй университекка, Санкт-Петербургтааҕы технологическай үнүстүтүүккэ (Тэхиньиичэскэй университет), ХИФУ-га, АГИКИ-га, Дьокуускайдааҕы Уу суолун тырааныспарын үнүстүтүүтүгэр, кэккэ биллэр тиэхиньикумнарга уонна кэллиэстэргэ уо.д.а. үөрэнэллэр. Эдэр ыччаттар дуогабардаах тус сыаллаах үөрэххэ араас идэлэри баһылыахтара: информационнай систиэмэлэр уонна программирование, гостиница дьыалата, уу суолун суудуналарын тэриллэрин уонна аптамаат сириэстибэлэрин үлэлэтии, ювелирнай дьыала, эрэкэлээмэ уонна уопсастыбаннаһы кытта сибээс, повар-кондитер, прикладной информатика, инфокоммуникационнай ситимнэр уонна сибээс систиэмэлэрэ, коммерция, гааһынан уонна уотунан иһэрдэн оҥоруу, нефтепереработка оператора, маркшейдерскай дьыала, фармация уо.д.а. курдук наадалаах идэлэри ылыахтара.
Кинилэр бу дуогабардаах үөрэхтэрин бүтэрдилэр даҕаны предприятиеларга, араас тэрилтэлэргэ тута мэктиэлэммит үлэ миэстэтинэн хааччыллаллар. Онон СӨ Үөрэххэ уонна наукаҕа министиэристибэтин көрүүтүнэн-истиитинэн маннык былааннаах, толкуйдаммыт үлэлэр утумнаахтык ыытылла тураллар.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Быйыл кулун тутарга Крым Өрөспүүбүлүкэтэ уонна Севастополь куорат Арассыыйа састаабыгар киирбиттэрэ уон сыла буолбута. Севастополь…
Ааспыт сууккаҕа өрөспүүбүлүкэҕэ икки буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр. Дьокуускайга итирэн баран…
Ыам ыйын 2 күнүгэр Дьокуускай куорат Пригороднай сэлиэнньэтигэр икки дьиэ уокка былдьана сыста. Хата, уот…
Бүгүн, ыам ыйын 5 күнүгэр, Ленскэй оройуонугар ардах түһэрэ күүтүллэр, Мииринэй, Өлөөн оройуоннарыгар кыра сөҥүүлээх.…
Лев Павлов көҥүл тустууга Арассыыйа чөмпүйэнээтин үрүҥ көмүс призера буолла. Кини эр дьоҥҥо бастакы чөмпүйэнээтигэр…