Ил Дархан, бырабыыталыстыба дьаһалтатын пресс-сулууспата
Мииринэйгэ Эбии үөрэхтээһин киинигэр «Север» анимационнай устуудьуйа аһыллыытыгар «Алмазная мультиистория» диэн бырайыагы сүрэхтээтилэр.
Ааптар Оксана Войтюк бырайыак туһунан кэпсээтэ: Айан диэн уолчаан Мииринэй куорат устун айанныыр, кэрэ-бэлиэ сирдэрин кэрэхсиир, оҕолорго билиһиннэрэр. Оксана оҕолорго ойуулугу хайдах кырааскалыыры үөрэттэ уонна холонон көрөллөрүгэр ыҥырда.
Маны тэҥэ, оҕолор саха аниматордара оҥорбут «Кындыкаан» уонна «Тымныы оҕуһа» ойуулуктарын көрдүлэр. Бу кэнниттэн оҕолор ыйытыыларын биэрдилэр, каадыр хайдах оҥоһулларын, о.д.а. кистэлэҥнэри интэриэһиргээтилэр. Хоту дойду былыргы култууратын оҕолорго бу маннык ньыманан билиһиннэрэр ордук тиийимтиэ буолара көһүннэ.
«Север» устуудьуйа педагога уонна үс үөрэнээччитэ Мииринэйгэ баар ИТ-киин баазатыгар ыытыллар көмпүүтэринэн анимация кууруһугар үөрэнэллэр. Куурус ыччат көҕүлээһиннэрин акселерация бырагырамаатынан ыытыллар.
«Север» анимационнай устуудьуйа Саха сирин норуоттарын оҕо ассамблеяларын бырайыагын чэрчитинэн, тэриллибитэ. Бырайыагы Тас сибээскэ уонна норуоттар дьыалаларыгар министиэристибэ өйүүр.
Ил Дархан, бырабыыталыстыба дьаһалтатын пресс-сулууспата.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…