«Сахамедиа» холдинг “Мин дойдум” бырайыагы Саха сиригэр ис туризмы өйөөһүн быһыытынан олохтуур. Саха сирин олохтоохторо 2024 сыл сэтинньититтэн муус устар 15 күнүгэр диэри Заметки саайтка бэйэлэрин олорор сирдэрин олоҕуттан-дьаһаҕыттан устуоруйалары суруйуохтарын сөп.
Ый ахсын көрүү түмүктэринэн уонна матырыйааллар хаачыстыбаларынан холдинг бастыҥ үлэлэри быһаарыаҕа. Кыайыылаах матырыйааллар талыллан “Саха сирэ” уонна “Якутия” өрөспүүбүлүкэтээҕи хаһыаттар балаһаларыгар эбэтэр СИА-ҕа босхо бэчээттэниэхтэрэ.
Матырыйаал ис хоһооно кыайыылаах поселение баһылыгын итиэннэ эрэдээксийэлэри кытта сөбүлэһиннэриллэр.
Бырайыакка кыттарга Заметки саайтка регистрацияланыахха наада уонна ыйыллыбыт болдьоххо бэйэҕит нэһилиэктэргит олоҕун, айылҕа, култуура, устуоруйа, күннээҕи үлэ-хамнас тустарынан суруйан пост киллэриэххитин наада. Бэчээттэниигэ “Мин дойдум” тиэмэни талан ылар наада.
Куонкурус кыттыылаахтарынан физическэй (биирдиилээн) даҕаны, юридическай даҕаны сирэйдэр буолуохтарын сөп.
Постка нэһилиэнньэлээх пуун уонна оройуон аатын, ааптар аатын биитэр тиэкискэ киллэриллэр тэрилтэ аатын ыйар хайаан да наада.
“Мин дойдум” куонкуруска киллэриллибит матырыйааллары сыаналааһын ирдэбиллэрэ:
Куонкуруска бэриллэр тиэмэҕэ сөп түбэһиннэрии;
Үлэ ис хоһоонун уонна идиэйэтин уратыта;
Толоруу хаачыстыбата;
Ааҕааччылар сэҥээриилэрин (лайк) ахсаана.
Бастыҥ үлэлэр “Саха сирэ”, “Якутия” хаһыаттарга бэчээттэниэхтэрэ, ону сэргэ СИА саайтыгар таһаарыллыахтара.
Ый түмүктэрэ хас үүммүт ый саҥатыгар таһаарыллан иһиэхтэрэ. Ол курдук, сэтинньи ый түмүктэрэ ахсынньы саҥатыгар биллиэхтэрэ. Кыайыылаахтар ааттара “Сахамедиа” холдинг саайтарыгар биллэриллиэхтэрэ.
Куонкурус ыытыллыытын туһунан чуолкайдаһар ыйытыыларгытын support@zmtk.ru электроннай аадырыска ыытыаххытын сөп. Куонкурус балаһыанньатын туһунан ссылканан киирэн билсиэххитин сөп.
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…