Хаартыска: Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Олунньу саҥатыттан мобильнай быраастар биригээдэлэрэ Саха сирин 13 Арктика улууһугар сырыттылар. СӨ доруобуйа харыстабылын министиэристибэтэ иһитиннэрбитинэн мэдиссиинэ үлэһиттэрэ барыта 87 нэһилиэнньэлээх пууҥҥа сылдьан 14 572 олохтоох доруобуйатын туругун көрдүлэр.
Быраастар мобильнай биригээдэлэрин үлэтэ Анаабыр, Үөһээ Халыма уонна Булуҥ улуустарыгар салҕанар.
«Быраастар үс ыйдаах көһө сылдьан үлэлэрин олохтоохтор сыаналыыллар. Оройуоннар дьаһалталарын, киин балыыһаларын уонна «Полярные авиалинии» авиахампаанньа көмөтүнэн мэдиссинэ үлэһиттэрэ ыраах сытар уустук сырыылаах дэриэбинэлэргэ тиийдилэр. Бырайыак саҕаланыытыттан барыта 14 572 киһи доруобуйатын көрдүлэр, ол иһигэр 4020 оҕону. Ыам ыйын ортотугар быраастар Усуйаана улууһун киинигэр Депутатскайга айанныахтара. Манна исписэлиистэр инбэлиттэр дьиэлэрин эмтэнээччилэрин уонна киин олохтоохторун доруобуйаларын көрүөхтэрэ«, — диэн уопсастыбаннай доруобуйа уонна мэдиссиинискэй профилактика өрөспүүбүлүкэтээҕи киинин сүрүн бырааһа Алена Никитина бэлиэтээтэ.
Бырайыак Саха сирин баһылыгын Айсен Николаев көҕүлээһининэн ыытыллар. Мобильнай быраастар улуустарынан үлэлэрэ сыл аайы тэриллиэҕэ. Күһүҥҥүттэн мобильнай биригээдэ улуустарынан саҥа айаҥҥа туруоҕа.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Олооһун диэн тугуй? Олооһун туохтан үөскүүрүй? Сааскы, сайыҥҥы, күһүҥҥү, кыһыҥҥы олооһуннар диэни истибиккит дуо? Күнү…
Алтынньы 27 күнүгэр СӨ Бырабыыталыстыбатын Бэрэссэдээтэлэ Кирилл Бычков дьыл быыһык кэмигэр өрүһүнэн сырыы сыаната төһө…
Кэбээйи улууһугар Мастаахха "Дьээ-буо" фолк-бөлөх салайааччыта оһуохайдыан, тойуктуон, олоҥхолуон, ыллыан-туойуон баҕалаахтары үөрэппит. [gallery ids="250358,250359,250361"] Бу…
Мииринэй олохтооҕо эппиэтинэскэ тардыллан баран алименын төлөөбүт. Суут быһаарыытынан, гражданин дохуотун алта гыммыттан биир чааһын…
Хаһааччыйа талааннаах далбар хотуттарын кытта бэрт истиҥ, сэргэх көрсүһүү буолбуттар. Бу туһунан нэһилиэк бибилэтиэкэрэ Ирина…
Горнай улууһун Атамай нэһилиэгин дьоно улаханнык сэргэхсийэн, үөрэн-көтөн, дойдулаахтарын бэлэҕиттэн астынан, киэн туттан сылдьаллар. Бу…