Хаартыска sakha.gov.ru ылылынна
Өрөспүүбүлүкэтээҕи мобильнай биригээдэ быраастарын үлэлэрин-хамнастарын кэҥэтэр туһунан Ил Дархан Айсен Николаев уонна СӨ доруобуйа харыстабылын миниистирэ Лена Афанасьева кэпсэттилэр.
Ил Дархан миниистир отчуотун истэн баран бырайыагы үрдүктүк сыаналаата уонна салгыы сайыннарар наадатын эттэ.
«Пилотнай курдук саҕаламмыт көҕүлээһин олус үчүгэй көрдөрүүлэрдээх. Биһиэхэ Арктика олохтоохторуттан эрэ буолбакка, мобильнай быраастар үлэлээбит сирдэриттэн барытыттан махтаналлар. Биллэн турар, бу олус наадалаах бырайыагы өссө кэҥэтэр наада, уустук суоллаах-иистээх сэлиэнньэлэргэ, өссө элбэх киһи мэдиссиинэ көмөтүгэр хабылларын курдук«, — диэтэ Айсен Николаев.
Билигин бырайыак 13 Арктика улууһун хабар. Географията Арктика зонатыгар киирбэт биэс улууска эмиэ тарҕанар. Мэдиссиинэ көрүүтэ Өлүөхүмэ, Алдан, Ленскэй, Өймөкөөн, Уус Маайа улуустарын уустук суоллаах-иистээх сэлиэнньэлэригэр кытары ыытыллар. Былааҥҥа — Саха сирин уустук суоллаах-иистээх нэһилиэнньэлээх пууннарын мэдиссиинэ көрүүтүнэн хабыы.
2024 сылга элбэх хайысханан быраастар уонунан нэһилиэнньэлээх пууннарга сылдьан, 25 710 киһини көрдүлэр. Көс олохтоох табаһыттар ыстаадаларыгар тиийэн дьон-сэргэ доруобуйатын көрбүттэрэ.
Ону таһынан, көрсүһүүгэ 2025 сылга олоххо киллэриллиэхтээх «Продолжительная и активная жизнь» диэн саҥа национальнай бырайыагы, ону тэҥэ саҥа эбийиэктэри, ол иһигэр модульнайдары эмиэ тутуу туһунан кэпсэтии барда.
Санатар буоллахха, Саха сирин Ил Дархана Айсен Николаев көҕүлээбит Арктика мэдиссиинэтин саҥа көрүҥэ (үлэтэ) 2023 сыл олунньутугар саҕаламмыта. Элбэх хайысханы толорор биригээдэҕэ уустук суоллаах-иистээх нэһилиэнньэлээх пууннарга тиийбэт, суох исписэлиистэр киирсэллэр.
СӨ Ил Дарханын уонна Бырабыыталыстыбатын пресс-сулууспата
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…