Хаартыска: РБ 2 пресс-сулууспата
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин үлэһиттэрин биригээдэтэ 2024 сыл саҕаланыаҕыттан өрөспүүбүлүкэ 13 улууһугар (Нерюнгри, Алдан, Ленскэй, Дьааҥы, Ньурба, Мииринэй, Горнай, Сунтаар, Чурапчы, Нам, Амма, Үөһээ Бүлүү) 19-та сырытта. Сорох улуустарга быраастары иккистээн ыҥыраллар.
Мобильнай биригээдэ билигин Эдьигээн улууһун Оройуоннааҕы киин балыыһатыгар үлэлиир. Быраастар манна сэтинньи 11-22 күннэригэр нэһилиэнньэ доруобуйатын бэрэбиэркэлиэхтэрэ.
«Үлэ бастакы күнүттэн быраастар: хирург – 25, тымыр хирура – 18, нейрохирург 2 киһини көрдүлэр”, — диэн хирургия мобильнай киинин салайааччы Максим Макиевскай иһитиннэрдэ.
Быраастар эпэрээссийэлэри оҥороллорун сэргэ, биир ыарыһаҕы Өрөспүүбүлүкэтээҕи 2 №-дээх балыыһаҕа сиһилии чинчийиигэ ыытарга былаанныыллар.
Санатан эттэххэ, Хирургия мобильнай киинин быраастара сыл саҕаланыаҕыттан суһаллык эмтэниигэ наадыйааччыларга көмөлөһөр туһугар 1 800-тахса киһини көрдүлэр, 589 эндоскопия уонна ультразвуковой чинчийиини ыыттылар, 560-тан тахса суһал орооһуу оҥоһулунна.
Мобильнай биригээдэ Оройуоннааҕы киин балыыһалар усулуобуйаларыгар анал, ол иһигэр мэдиссиинэ үрдүк технологиялаах көмөтүн, оҥорор. Быраастар иэччэх сүһүөҕэр эндопротезированиены, мурун токуруйбутун көннөрүүгэ, лапароскопическай холецистэктомияларга, тымырдарга, суон оһоҕоско уо.д.а. эпэрээссийэлэри ситиһиилээхтик оҥороллор.
Хирургия мобильнай киинин үлэтин кэмигэр травматолог-ортопедтар 66, оториноларинголог-быраастар 88-тан тахса, хирурдар 82 ыарыһаҕы эпэрээссийэлээтилэр. Эпэрээссийэлэммит дьон бары олорор сирдэринэн салгыы кэтээн көрүүгэ сылдьан эмтэнэллэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…