Хаартыска СӨ Баһылыгын уонна Бырабыыталыстыбатын пресс-сулууспатыттан
Эмчиттэр биригээдэлэрэ олунньу 26 күнүттэн кулун тутар 6 күнүгэр диэри Ленскэй оройуонун олохтоохторун көрүөхтэрэ уонна эпэрээссийэ оҥоруохтара.
Мобильнай биригээдэ састаабыгар 2-с №-дээх Өрөспүүбүлүкэтээҕи балыыһа-Суһал мэдиссиинэ көмөтүн киинин 9 үрдүк таһымнаах исписэлииһэ баар. Бөлөххө: невролог, травматологтар, анестезиолог-реаниматолог, колопроктолог, отоларинголог, эндоскопист, хирург, ону сэргэ 4 мэдиссиинэ орто сүһүөх исписэлииһэ баар.
Ленскэй оройуоннааҕы киин балыыһата исписэлиистэр кэлэллэригэр күүскэ бэлэмнэннэ, улахан үлэни хирургическай анал көмө наада буолар ыарыһахтарын сүүмэрдээһиҥҥэ улахан үлэни ыытта. Бастакы күннэргэ быраастар дьону көрүөхтэрэ, ол кэннэ эпэрээссийэлэниэн сөптөөх ыарыһахтары быһаарыахтара.
Санатан суруйдахха, мобильнай хирургия киинэ Нерюнгри, Алдан оройуоннарыгар үлэлээбитэ. Быраастар барыта 900-тэн тахса ыарыһаҕы көрбүттэрэ уонна уопсайа 56 үрдүк технологиялаах хирургическай эпэрээссийэни оҥорбутттара диэн СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.
Маннык инновационнай бырайыактары олоххо киллэрии 2019 с. дойду Бэрэсидьиэнэ Владимир Путин көҕүлээбит «Доруобуйа харыстабыла» нацбырайыакка олоҕуран олоххо киирэр уонна Ил Дархан «О стратегических направлениях укрепления общественного здоровья и развития системы здравоохранения в Республике Саха (Якутия)» ыйааҕыгар баһаарыллан оҥоһуллар.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…