Биллибэт дьон «Крокус Сити Холл» комплекска саанан ытыалаатылар

Биллибэт дьон бэҕэһээ, кулун тутар 22 күнүгэр, Красногорскайга «Крокус Сити Холл» кэнсиэр саалатыгар көрөөччүлэри саанан ытыалаатылар.

Бу күн «Пикник» бөлөх кэнсиэрэ буолуохтаах этэ. Билиҥҥи дааннайынан, быһылаан түмүгэр 40 киһи өлбүтэ, өссө 100-тэн тахса киһи, ол иһигэр оҕолор эмсэҕэлээбиттэрэ биллэр. РФ Доруобуйа харыстабылын министиэристибэтин иһитиннэриитинэн, 37 эмсэҕэлээччи госпитальга киирдэ, олортон түөрдэ ыарахан туруктаахтара биллэр. Дойду Силиэстийэлиир кэмититиэтэ теракт туһунан холуобунай дьыала тэрийдэ. Баһаарга былдьаммыт эбиийиэк иэнэ 12900 кв. м.  Билигин быраабы араҥаччылыыр уорганнар террористары көрдүүллэр.