Москваҕа «Битва роботов» чөмпүйэнээт ыытыллыаҕа

Балаҕан ыйын 28 күнүгэр «ЦСКА Арена» успуорт комплексыгар «Битва роботов» диэн норуоттар икки ардыларынааҕы чөмпүйэнээт саҥа сүүмэрдиир түһүмэҕэ саҕаланыаҕа. Манна инженер-робототехниктар бэйэлэрин сатабылларын көрдөрүөхтэрэ диэн Арассыыйа Сыыппараҕа министиэристибэтэ иһитиннэрэр.

Москва рингэтигэр ураты оҥоһуулаах 48 массыынаны көрдөрүөхтэрэ. Бастыҥ хамаандалар финал аҥаарынааҕы күрэхтэһиигэ тахсыахтара.

Быйыл көрөөччүлэри саҥа дисциплина күүтэр. 10-17 саастаах кыттааччылар «Битва мини-роботов» диэн балтараа киилэҕэ диэри ыйааһыннаах роботторын көрдөрүөхтэрэ.

Ол курдук, саҥа сезоҥҥа Арассыыйаттан, Индияттан, Бразилияттан, Ирантан, Беларусьтан, Казахстантан уонна Кытайтан барытан 96 хамаанда кыттыаҕа. 110 киилэҕэ диэри ыйааһыннаах 64 робот, балтараа киилэҕэ дирэи ыйааһыннаах 32 мини-робот күрэхтэһиэхтэрэ.

Чөмпүйэнээт кыайыылаахтарын 6,6 мөл. солкуобай суумалаах бириис пуондата күүтэр.