Салгыы
Москваҕа «Саха-волонтер» кэккэтэ хаҥыыр

Москваҕа «Саха-волонтер» кэккэтэ хаҥыыр

Ааптар:
11.11.2022, 14:06
Бөлөххө киир:

РФ Оборуонаҕа министиэристибэтин госпиталларыгар эмтэнэр Саха сириттэн барбыт байыаннай сулууспалаахтарга көмөлөһөргө, «Саха-волонтер» бөлөҕө отут киһи буолла. Бу туһунан Москваҕа биир ситимнээх сүрүннүүр киинтэн (ЕКЦ) иһитиннэрдилэр.

 Бөлөх уопсастыба көҕүлээһининэн, Москваҕа Саха сирин бастайааннай бэрэстэбиитэлистибэтин уонна СВО иитинэн соругу быһаарыыга биир ситимнээх сүрүннүүр киин өйөбүллэринэн алтынньы 21 күнүгэр тэриллибитэ.
«Биһиги ортобутугар араас саастаах, идэлээх дьон бааллар. Офицердар кэргэттэрэ, педагогтар, биэнсийэлээхтэр, устудьуоннар. Холобур, Щепкин аатынан театральнай училищеҕа үөрэнэр ыччаттар бааллар. Биһиги байыаннай госпиталларга сылдьан дойдулаахтарбытын көрсөбүт. Элбэх киһи дойдутуттан кэлбит астан-үөлтэн дьиэлэригэр бэлэмнээн аҕалаллар«, — диэн кэпсиир «Саха-волонтер» бэрэстэбиитэлэ Аина Храмова.
«Госпиталга набор» диэн бэлэмниибит. Манна киһи бэйэтэ тус туттар мала, минньигэс ас, чэй, кофе, – байыаска наадалаах киирэр. Greenway хампаанньа 100 тыһ. солк. тахса суумалааҕынан көмө оҥорбута. Шампунь, мыыла, гель, соттор, чэй, битэмииннэр – бу хампаанньа фирменнэй бородууксуйата. Балар анал наборга киирэллэр — диир Анна. — Хампаанньа салайааччытыгар бу көмөтүн иһин Лена Баишеваҕа махтанабыт. Маны сэргэ, «Ньурбакаан» өрөспүүбүлүкэтээҕи уопсастыбаннай организация, Дьокуускай куораттан дьахталлар лигалара, Мугудай бөһүөлэгин олохтоохторо, «Модун» СК кэлэктиибэ, «Күн куолар» холбоһук, Ороһу эбэлэрэ», «Москва аҕалара» — Москваҕа Саха сирин аҕаларын холбоһуктара, «Саха» НКИХ биир идэлээх сойууһа, уо.д.а. өйүүллэр.
Биир дойдулаахтарыгар көмөлөһүөн баҕалаахтар 8-926-887-08-52, 8-926-886-86-04 төлөпүөннэргэ эрийиэхтэрин сөп.
Санатан эттэххэ, өрөспүүбүлүкэ биир ситимнээх сүрүннүүр киинэ Москваҕа Ил Дархан быһаарыытынан тэриллибитэ. Сүрүннүүр киин байыаннай сулууспалаахтарга уонна кинилэр дьиэ кэргэттэригэр бары боппуруостары быһаарыыга көмөлөһөр. Бу соруктары быһаарар туһуттан байыаннай чаастары уонна госпиталлары кытары үлэлэһэргэ, ону сэргэ Саха сириттэн байыаннай сулууспалаахтары наадалаах малынан-салынан, аһынан-үөлүнэн хааччыйарга тирэх пууннар тэриллэллэр.
Хаартыскалар РФ Бэрэсидьиэнигэр Саха сирин бастайааннай бэрэстэбиитэлистибэтиттэн.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 7°C
  • Ощущается: 6°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: